Дани Педроса го симна Лоренцо од врвот на табелата во третиот тренинг, но Лоренцо сеуште има најдобар резултат во сумираните времиња.

Дани Педроса го симна Лоренцо од врвот на табелата во третиот тренинг, но Лоренцо сеуште има најдобар резултат во сумираните времиња.

Марк Маркез возеше на нивото на кое веќе сме навикнати да го гледаме, а Валентино Роси изненади со неколку брзо кругови па на крајот иако имаше шанси и да го подобри времето на Педроса, финишираше како третопласиран со заостанување од +0.118.

Алваро Баутиста го продолжи трендот на вмешување во топ 5 возачите и на овој тренинг, поставувајќи исто време како и Валентино Роси кое беше подобро дури и од она на Хорхе Лоренцо на третиот тренинг.

Доколку се сумираат резултатите од првите три тренинга, Лоренцо има најдобро време, но првите пет возачи се во временска разлика од само 165 илјадитинки. Утринските квалификации можат да донесат возбудувања на Филип Ајленд, на Маркез му е доволно да победи, а Лоренцо да не финишира на втората позиција за тој да ја освои титулата, но останува да видиме дали актуелниот шампион ќе му дозволи на младиот талент туку така да дојде до титулата.

До крајот на МотоГП шампионатот се возат уште три трки, оваа на Филип Ајленд која се вози во недела, потоа следната недела се вози трката во Јапонија на Мотеги, и на крајот е трката во Шпанија, на Валенсија, која се вози на 10-ти ноември.

Во генералниот пласман води Маркез со 298 бодови, 43 повеќе од Лоренцо на втората позиција и 54 повеќе од трето пласираниот Дани Педроса. Валентино Роси во генералниот пласман е на четвртата позиција со заостанување од 100 поени зад Маркез.

Квалификациите во сабота започнуваат во 06.35, а трката во недела започнува во 7 часот по наше време.

Пренос од сите настани ќе има на Спорт Клуб каналот, а стриминг ќе има на http://www.sportcategory.com/c-10.html