MotoGP

MotoGP: Милер ја скрши ногата на тренинг, ќе го пропушти Мотеги

Возачот на Marc VDS Honda, Џек Милер, ќе ја пропушти следната трка од MotoGP шампионатот која ќе се вози во Мотеги. Тој мораше да замине на операција откако ја скрши ногата за време на тренингот на тимот кој се оддржа во Андора.

Следете нè на:

 

Австралиецот ја скрши десната нога во пад кој беше многу сличен со оној на Валентино Роси пред еден месец. Но, откако Роси се врати на патеката после само три недели, Милер вели дека и тој ќе биде подготвен за неговата домашна трка која ќе се оддржи за три недели.

 gh36688

„Очигледно е дека сум разочаран и фрустриран што ќе ја пропуштам трката во Јапонија. Вежбавме на тренингот кога ја спуштив ногата долу. Во тој момент ја загубив тракцијата на предното тркало. Девет од десет пати во таков случај немаше да се случи ништо сериозно но се чини дека сум ја закачил ногата на нешто и тоа е причината поради која се скрши.“

„Коската ми е зацврстена со плочка и штрафови и веќе можам помалку да ја движам, но сигурно нема да бидам подготвен за трката во Мотеги. Но сепак, решен сум да се вратам на Филип Ајленд и ќе работам напорно со физиотерапевтот.“

Тимскиот шеф Мајкл Бартоломју вели дека годините се на страна на Милер.

„Џек навистина немаше среќа што заврши со таква скршеница по еден таков, навидум, безопасен инцидент. Исто така навистина беше лош и моментот кога се случи тоа бидејќи во следните три викенди не очекуваат три трки. Но Џек е решен да ја пропушти само трката во Мотеги. Целта му е да се врати за време на неговата домашна трка, а и моменталната прогноза изгледа добро. Сега ќе работи заедно со физиотерапевтот и заедно со другите доктори ќе одлучиме дали е подготвен да се врати за време на трката која ќе се вози на Филип Ајленд.“

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!