Ако до пред некоја трка беше неизвесно дали Маркез ќе успее да ја одбрани шампионската титула, сега веќе никој не се сомнева во тоа, единственото прашање е дали ќе успее да победи на сите 18 трки во шампионатот?

Ако до пред некоја трка беше неизвесно дали Маркез ќе успее да ја одбрани шампионската титула, сега веќе никој не се сомнева во тоа, единственото прашање е дали ќе успее да победи на сите 18 трки во шампионатот?

Трката која викендов се возеше на патеката Индијанаполис во САД не донесе ништо ново, Марк Маркез со својата Хонда дојде до 10-та победа во сезоната, од вкупно 10 трки колку што се возеа до сега. Младиот Шпанец продолжува со соборување на рекордите, по вчерашната трка тој стана првиот возач по Мик Дуан во 1997 година кој победил на 10 последователни трки, ја забележа и 100-та победа за Шпанските возачи во МотоГП, или вкупно 500-та низ сите класи.

Маркез повторно покажа дека е незапирлив, имаше лош старт на трката на која Валентино Роси успеа да се избори за првата позиција веднаш по стартот, а на крајот сепак Маркез славеше. Роси возеше одлично на самиот старт, беше следен од Андреа Довициозо кој повторно покажа дека знае како се вози Дукати, но веднаш зад нив се најдоа Марк Маркез и Хорхе Лоренцо. Првите 7-8 кругови беа вистински празник за очи, претекнувања и борба за првата позиција која се граничеше со дозволеното, адреналин за сите пари. Убавата трка траеше само уште неколку круга, потоа Маркез и Лоренцо успеаја истовремено да го поминат Роси, па овој иако на неколку наврати се обидуваше да го помине Лоренцо, Маркез започна да прави разлика. И тука заврши се, Маркез на крајот славеше со релативно мала предност од 1,8 секудни пред Лоренцо, Роси веќе беше далеку зад него на третата позиција, а Педроса иако со бледо возење успеа да дојде до четвртата позиција.

Ако до пред некоја трка беше неизвесно дали Маркез ќе успее да ја одбрани шампионската титула, сега веќе никој не се сомнева во тоа, единственото прашање е дали ќе успее да победи на сите 18 трки во шампионатот? Секоја чест за Маркез кој вози навистина фантастично, има одличен мотор и во моментов е недостижен, но прашањето е што треба да се случи за МотоГП да не го изгуби сјајот? 

Резултати од Индијанаполис:

Во генералниот пласман Маркез е водечки со максимални 250 бодови од 10 трки, втор е Педроса со 161 пред Валентино Роси со 157. На четвртата позиција е Лоренцо со 117, а петтопласиран е Андреа Довициозо со 108 бодови. Следната трка се вози идниот викенд на патеката Брно во Чешка.