25
Вто, Јул
MotoGP

MotoGP: Маркез не успеа да го реши проблемот со кревањето на предното тркало

„На крај, најдобриот компромис  е она што го имав вчера“- Марк Маркез

Следете нè на:

 

Лидерот во MotoGP, Марк Маркез, помина голем дел од тренингот кој се оддржа после трката во Брно обидувајќи се да го подобри излегувањето од свиок.

Но за жал, она што го доби возачот на Repsol Honda предизвика загуби во други области. На крај, тој заклучи дека „најдобриот компромис е она што го имав вчера.“

Марк Маркез

Шпанецот, кој имаше трето најдобро време на тестот и беше веднаш зад возачите на Yamaha, изјави:

„Се обидовме да направиме подобрувања, но во суштина не постигнавме ништо. Но сепак е во ред. Се обидовме и дознавме некои нови работи.“

„Особено се концентриравме да дознаеме како да се справиме кога се крева тркалото.Како да го подобриме тоа. Направивме некои модификации и се подобривме, но потоа загубивме многу на друг дел од патеката.“

„На крај, најдобриот компромис е она што го имав вчера.“

„Потоа се обидовме и со новата задна вилушка и имаше некои позитивни работи, како на пример при излегувањето од свиок и при забрзувањето. Целиот тест го фокусиравме на тој дел.“

Развојните пневматици на Michelin за 2017 година исто така беа достапни на тестот. Исто како и возачите на Yamaha, и Маркез беше импресиониран од променетиот дизајн.

„Тестиравме неколку нови предни пневматици на Michelin и еден беше особено добар. Останатите беа слични како оние со кои настапуваме оваа сезона,“ изјави Маркез.

„Искрено, со гумата која ја имаме сега се чувствувам многу добро и мислам дека можам многу да притиснам. Со новата ја подобривме стабилноста на средина на свиокот.“

„Во Honda, многу повеќе ја притискаме предната гума во споредба со останатите мотоцикли. Задоволен сум со гумата што ја  имаме сега, но се чини дека Michelin секогаш сака нешто подобро.“

Во пресрет на следната трка која ќе се оддржи на 4ти септември во Велика Британија, Маркез, кој заврши на третото место на трката која се оддржа во неделата, има предност од 53 бодови пред Валентино Роси.

comments

Би можело да ве интересира

Макпетрол во својот салон за Хонда во Скопје го изложи новиот Honda MSX125 2017

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!