18
Пет, Авг
MotoGP

MotoGP: Лоренцо изненаден од тешкиот старт на тестот во Сепанг

Не сум разочаран но сум изненаден бидејќи повеќе или помалку очекував ист резултат како и во Валенсија

Следете нè на:

 

Откако се најде на осмото место на своето деби во тимот на Ducati на тестот кој се оддржа во Валенсија во ноември, трикратниот MotoGP шампион Хорхе Лоренцо изјави дека е изненаден од тешкиот старт на првиот тест за оваа сезона кој се оддржа во Сепанг.

Шпанецот, кој за прв настапи во униформата на својот нов тим, го заврши денот на седумнаесетото место од вкупно дваесет и седум возачи.

lorenzo 99 17

„На почетокот бев навистина бавен но потоа малку по малку го подобрував своето време и се приближив до врвот,“ изјави Лоренцо. „Но потоа почна да врне. Сепак, задоволни сме од прикажаното бидејќи докажавме дека мотоциклот има потенцијал да биде навистина брз и тоа е добро.“

Неговиот тимски колега Андреа Довициозо се најде на второто место со новиот GP17, а возачот на Aspar, Алваро Баутиста, кој настапи со GP16, беше четврти.

„Најмногу губам воглавно при запирањето,“ изјави Лоренцо. „На средина на свиокот не губам толку многу, а при забрзувањето, понекогаш сум побрз дури и од Андреа. Но морам да се прилагодам на сопирањето повеќе отколку што очекував.“

„Работевме на сетинзите и на позицијата на мотоциклот. Ќе се концентрираме на ова и ќе се обидеме да го подобриме мојот стил на возење секој пат кога ќе излеземе на патеката.“

„Не сум разочаран но сум изненаден бидејќи повеќе или помалку очекував ист резултат како и на патеката во Валенсија. Но бев далеку од тоа. Она што ми дава самодоверба е дека постигнавме голем напредок и да се видат три мотоцикли на Ducati на врвот ни кажува дека мотоциклот има потенцијал да биде навистина брз.“

comments

Би можело да ве интересира

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Како и што се очекуваше, стигна официјална потврда дека Џек Милер ќе ја напушти Honda и од 2018 година ќе настапува за Pramac Ducati.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!