MotoGP

MotoGP: Крачлоу нема да настапи во Аргентина

Заради повредите на раката со кои се здоби на трката во САД, возачот на Дукати Кал Крачлоу нема да настапи на трката во Аргентина која се вози овој викенд.

Следете нè на:

 

craclou-argentinaКал Крачлоу ќе го пропушти дебито во Аргентина

Заради повредите на раката со кои се здоби на трката во САД, возачот на Дукати Кал Крачлоу нема да настапи на трката во Аргентина која се вози овој викенд.

Првичните прегледи покажаа дека Крачлоу има само изместување на малиот десен прст, но потоа во Сан Диего му беше извршен детален преглед по што беше констатирана и фрактура на прстот. Заради тоа на Крачлоу ќе му биде извршена мала хируршка интервенција со која ќе му се стабилизира прстот. Иако не станува збор за голема повреда или нешто што ќе го оддалечи од патеките на подолг период, Кал сепак ќе мора да паузира токму на дебито на новата патека во Аргентина.

Крачлоу е еден од неколкуте возачи кои ја имаат пробано Аргентинската патека, минатата година тој беше дел од дводневното тестирање на патеката „Termas de Rio Hondo“.

Навистина жалам што ќе го оставам тимот на цедило, сакав да возам во Аргентина. Третманот на раката ќе ми помогне но чувствувам премногу голема болка и нема да можам да возам вака. Се враќам во Англија за да продолжам со терапијата и се надевам дека ќе бидам подготвен за трката на Херез - изјави Крачлоу.

На негово место на трката во Аргентина ќе го видиме Микеле Пиро, кој ќе вози заедно со Андреа Довициозо за Дукати.

Трката се вози во недела со почеток во 19 часот по наше време, со пренос на СпортКлуб каналот.

 

Би можело да ве интересира

Можеме да ја разбереме поентата на автомобилите кои сами се движат. Мислам дека сите би сакале да можат да го преспијат патот од работа до дома или пак да прочитаат некоја книга за тоа време. Но мотоциклите се малку поинакви.

Се појавија нови информации за авантуристичкиот модел V85 TT на Moto Guzzi, а според сликите што можеме да ги видиме на нивната интернет страна, се чини дека ова е конечната верзија.

Пред нас е 10-та рунда од Светскиот Супербајк шампионат која викендов се вози на патеката Портимао во Португалија.

Ова беше една страшна седмица за Романо Фенати. Во неделата, 9-ти Септември 2018 година, за време на Гран При трката во Сан Марино, при брзина од 200 километри на час тој ја притисна сопирачката на неговиот ривал, Стефано Манци.

После неколку години живот во сенка на далеку попознатата Sons of Anarchy, Mayans MC конечно го добива своето место под сонцето.

Ducati ја претстави последната верзија на Scrambler Icon кој сега има нов електронски пакет како и мали промени во дизајнот.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!