24
Нед, Сеп
MotoGP

MotoGP: „Ќе завршев на второто место“- тагува Вињалес

„Имавме неверојатна трка. Во сите свиоци возев над лимитот“- Маверик Вињалес

Следете нè на:

 

Маверик Вињалес смета дека и покрај тоа не успеа да се искачи за прв пат на подиумот во премиерната класа, конечно успеал да го постигне полниот потенцијал со еден MotoGP мотоцикл.

Дваесет и едногодишниот Шпанец имаше одличен настап во Неделата. Успеа и да го претекне Валентино Роси и да се најде на второто место што ќе претставуваше негово дебитантско место на подиумот како и прво за Suzuki по 2008 година.

PA1885372.0008Вињалес остана без место на подиумот

Но тоа траеше се додека не налета на еден влажен дел на патеката – на истото место каде што Хорхе Лоренцо, Алеш Еспаргаро и Кал Кратчлоу доживеаа несреќа. „Се обидував да избегам од Валентино“, објасни Вињалес.

И покрај тоа што на почеток беше разочаран поради инцидентот – камерите ги снимија неговите тимски колеги како го тешат - Вињалес е задоволен бидејќи докажа дека е подготвен и способен да се натпреварува со најдобрите возачи.

„Секако дека сум разочаран бидејќи местото на подиумот беше мое. Ќе завршев на второто место. Но навистина сум среќен бидејќи на сите им го покажавме нашиот потенцијал. Исто така докажавме и дека на трката во Катар имавме еден пневматик кој што не беше баш најдобар. Не можевме да се најдеме на подиумот,“ изјави Вињалес.

„Но во секој случај, направивме одлична работа. Да се биде меѓу најдобрите шест беше одлично за нас. Имавме неверојатна трка. Во сите свиоци возев над лимитот . Го дадов најдоброто од себе и навистина сум задоволен дека можам да го искористам целиот потенцијал на мотоциклот бидејќи во претходните трки тоа беше невозможно.“

Вињалес беше разочаран бидејќи ја немаше потребната брзина за да се натпреварува со најдобрите возачи во Катар и сега мисли дека проблемите со пневматикот го предизвикале тоа.

Во однос на трката во Остин, местото каде што ја оствари својата прва Moto2 победа, возачот на Suzuki смета дека може да продолжи да вози во ист стил.

„Мислам дека гумата беше проблемот во Катар бидејќи тука имавме напредок. Само треба да останеме смирени и да продолжиме со напорната работа.“

Постојат шпекулации дека Вињалес е главна цел на Yamaha доколку Хорхе Лоренцо одлучи следната сезона премине во Ducati.

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!