MotoGP

MotoGP: Кејси Стонер го комплетираше тестот во Катар

„Ќе беше убаво да имам два дена за темелно да го тестирам мотоциклот, но сепак сме задоволни со она што го постигнавме за 65 круга“ – Кејси Стонер

Следете нè на:

 

Попречен од повремениот дожд во понеделникот, Кејси Стонер извозе 65 кругови на Гран При патеката во Катар за време на последната вечер од приватните тестови на Ducati.

„Денеска не беше многу лошо, но јас сум преморен! “, изјави пензионираниот двократен светски шампион. „Извозевме доста кругови иако временските услови не беа идеални. Имаше малку дожд но сепак поголем дел од денот беше суво. Имаше и повеќе од доволно време за да ја комплетираме зацртаната програма.“

Главната цел на овој тест беше Стонер да го има својот деби настап на 2016 Desmosedici. Андреа Довициозо со истиот мотоцикл го освои второто место на трката во Катар.

stoner ducati losailКејси Стонер за време на тестот во Катар

„Конечно успеав да го возам 2016 Desmosedici GP, кој според мене е различен од GP15,“ изјави Стонер. Според него, овој мотоцикл има малку помека шасија.

„Ќе беше убаво да имам два дена за темелно да го тестирам мотоциклот, но сепак сме задоволни со она што го постигнавме за 65 круга“.

Стонер, кој откри дека негова главна задача во овој момент е да ги тестира новите делови кои Довициозо и Андреа Ианоне немаат време да ги пробаат за време на Гран При викендот, додаде:

„Тестиравме многу работи. Во сите нив имаше нешто позитивно и негативно. Задоволни сме со насоката по која се движиме.“

Ducati не ги објави времињата кои беа постигнати.

Стонер ја отфрли можноста да го замени повредениот возач на Pramac, Данило Петручи, на првата вечер од тестирањето. Се уште не е познато кога ќе биде следниот тест, бидејќи тоа зависи од новите делови.

Развојниот возач на Ducati, Микеле Пиро, кој не беше присутен во Лосаил, се очекува да го замени Петручи на вториот настап кој ќе се оддржи во Аргентина.

 

Би можело да ве интересира

Како што можете да забележите по огласите за продажба на мотоцикли, возраста се повеќе ги принудува возачите засекогаш да се откажат од своите мотоцикли.

Во Хонда салонот на Макпетрол пристигна новиот Honda CB125R 2018.

Организаторите на релито Дакар само што ги соопштија нивните првични планови за 2019 година. Следната сезона, оваа исклучително тешка трка ќе се оддржи само во една држава: Перу.

MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.

Патеката Ле Ман во Франција беше домаќин на петтата трка до МотоГП шампионатот. Марк Маркез уште еднаш го потврди својот авторитет откако победи со предност од 2.31 секунда пред второпласираниот Петручи.

Дукати го обезбеди потписот на Довициозо, но сѐ уште не е познато кој ќе биде негов тимски колега.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!