MotoGP

MotoGP: Јохан Зарко ја започнува сезоната со желба за победа

Францускиот MotoGP возач, Јохан Зарко вели дека ја започнува својата втора сезона во премиерната класа со огромна желба за победа.

Следете нè на:

 

Водејќи на табелата на првите шест трки од минатата сезона, Зарко вели дека досегашното искуство како и успешните зимски тестови ќе му помогнат да не ги повтори грешките од минатата година.

„Сезоната само што не почнала и навистина сум среќен поради тоа. Последниот тест во Катар беше одличен. Тоа што постигнавме најдобар резултат ни дава дополнителна самодоверба и мотивација. Ќе ја почнам првата трка од сезоната со желба за победа. Сакам да продолжам да бидам среќен но ајде да почекаме и да видиме што ќе ни донесе викендот.“

712303

И тимскиот шеф, Ерв Поншарал, го дели ваквиот оптимизам, признавајќи притоа дека тимот ќе стори се што може за да му помогне на Зарко да го надгради успехот од минатата сезона.

„Конечно завршивме со тестовите и сега можеме да почнеме со тркање. Мислам дека сме подготвени, имавме успешни тестови и Јохан се чувствува подготвен за стартот на сезоната. Тој веќе му покажа на светот дека е меѓу најдобрите возачи и има за цел да продолжи од онаму каде што застана минатата сезона.“

Иако се подготвени за натпреварување, Поншарал вели и дека тимот со нетрпение го чекаше стартот на сезоната пред се поради целиот стрес кој го преживеале по завршувањето на минатогодишната сезона.

„Навистина беше тешко но истовремено и голем предизвик да ја најдеме вистинската замена за Јонас Фолгер кој одлучи да ја пропушти следната сезона. Навистина сме среќни што дел од нашиот тим ќе биде Хафиз Сиахрин кој е многу талентиран млад возач полн со потенцијал. Сакам да му посакам добредојде во Monster Yamaha Tech3 фамилијата и му посакуваме среќа во сезоната која е пред нас. Заминуваме на првата трка од сезоната со голема насмевка на нашето лице и со голема надеж за сезоната. “

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!