MotoGP

MotoGP: Јамаха е подготвена за Ле Ман

По успешниот викенд во Херез, тимот на Јамаха е подготвен за петтата рунда во МотоГП шампионатот која се вози на патеката Ле Ман во Франција.

Следете нè на:

 

rossi lorenzoРоси и Лоренцо се подготвени за Ле Ман

По успешниот викенд во Херез, тимот на Јамаха е подготвен за петтата рунда во МотоГП шампионатот која се вози на патеката Ле Ман во Франција.

По фантастичната победа на Лоренцо и 200-от подиум на Роси, тимот на Јамаха со нетрпение ја очекува трката за ГН на Франција. Валентино Роси кој е на чело на шампионатот од првата трка во Катар, на последната го продолжи водството и во генералниот пласман има предност од 15 поени, па оправдано се надева на продолжување на успешната низа резултати на Ле Ман. Тој на оваа патека има забележано три победи (2002, 2005 и 2008), четири втори места (2003, 2010, 2012 и 2014) и три трети места (2000, 2001 и 2011).

Лоренцо исто така има успеси на патеката Ле Ман меѓу кои се трите победи во 2009, 2010 и 2012 и второто место во 2008. Шпанецот по успехот во Херез во генералниот пласман се искачи на третата позиција со заостанување од само 20 поени зад неговиот клубски колега.

lemanПатеката Ле Ман е изградена во 1965 година, а нај позната е по 24 часовната трка која се одржува на неа. Иако од доцните 60-ти години била домаќин на ГП трки, во 1996 година беше тргната од календарот, се до 2000. Причината за повлекувањето на патеката од календарот беше сериозниот инцидент на Алберто Пјуиг, а по извршените модификации на тесната патека, таа се врати во календарот и е домаќин на повеќе од 100.000 гледачи секоја година. На патеката доминираат свиоци кои се поминуваат со прва брзина, карактеристична е по доцното кочење и раното забрзување што резултираше со неколку извонредни трки во изминатите години.

Трката се вози во недела (17 мај) со почеток од 14 часот.

Би можело да ве интересира

Викендов на патеката Мотеги во Јапонија ќе се одржи 16-та трка од МотоГП шампионатот.

На наш колега моторџија му е потребна помош, да се покажеме во вистинско светло во недела!

Викендов на патеката Орман во Скопје се вози третата и последна трка од шампионатот на Македонија во мотокрос.

Фантастична борба за победата ја одбележа првата трка за ГН на Тајланд која му припадна на Марк Маркез.

Слободно можеме да кажеме дека новите модели кои ги прикажа Ducati за време на Intermot беа помалку резервирани.

За време на изложбите во Париз и Intermot, Honda го претстави новиот Super Cub C125 кој се очекува да се најде на пазарот оваа есен.

Бидете информирани за сите новости директно на вашата е-маил адреса
Реклами

Ви благодариме

За тоа што споделувате содржини и го поддржувате нашиот веб сајт.