На патеката Херез во Шпанија Марк Маркез ја забележа и четвртата победа на исто толку трки во сезоната, Валентино Роси дојде до втората позиција, а Дани Педроса беше трет.

На патеката Херез во Шпанија Марк Маркез ја забележа и четвртата победа на исто толку трки во сезоната, Валентино Роси дојде до втората позиција, а Дани Педроса беше трет.

Патеката Херез во Шпанија беше домаќин на четвртата трка во МотоГП шампионатот. Возбудливата трка започна со четворицата „вонземјани“ на првите четири позиција, како што и заврши, само со променет распоред. На самиот старт Маркез излезе на чело од колоната но Валентино Роси успеа да го помине по само неколку свиоци, на третата позиција го следевме Хорхе Лоренцо, а зад него Дани Педроса.

Маркез откако успеа да го помине Роси воопшто не намали со темпото, туку напротив возеше максимално концентрирано и брзо и за кусо време направи разлика со која повеќе не беше во фокусот. Интересот се сврте кон борбата за останатите две места на пиедесталот, за кои се бореа Роси, Лоренцо и Педроса.

Валентино Роси возеше одлична трка, ја имаше втората позиција скоро во целата трка, а дури на крајот Педроса го нападна но Докторот успеа да го одбрани одличното второ место. Во меѓувреме следевме борба и за третата позиција, која му припадна на возачот на Хонда, откако Лоренцо едноставно немаше свој ден. Педроса вози значително подобро во однос на претходните сезони, гледаме желба за победи и жар кој му недостигаше. Можеби сега е и доцна за нешто вакво, имајќи го во предвид фантастичниот Маркез, но сеуште има многу трки за возење до крајот на шампионатот.

Интересна беше и борбата за 5-та позиција, во која главни актери беа Довициозо, Алеш Еспергаро, Баутиста и Пол Еспергаро. На крајот петтата позиција му припадна на Довициозо, Баутиста финишираше како шести, а Еспергаро заврши на седмата позиција.

Следната трка се вози на патеката ЛеМан во Франција на 18-ти мај.