MotoGP

MotoGP Аргентина: Задолжителна нова гума за сите возачи и уште еден тренинг

По вчерашниот инцидент на Скот Рединг заради гумите на Мишелин, од фабриката утринава излегоа со соопштение кое целосно може да го промени исходот на трката.

Следете нè на:

 

Со најновата одлука на Мишелин вчерашните квалификации можеби и воопшто не се важни. По инцидентот на Скот Рединг заради гумите на Мишелин во четвртиот тренинг, од фабриката утринава излегоа со соопштение кое целосно може да го промени исходот на трката.

Мишелин по разговорите со Дорна, ИРТА и сите тимови од МотоГП шампионатот одлучија да ги повлечат двете компоненти на гуми кои им беа достапни на возачите во досегашните сесии во Аргентина.

redding tyreДелот од гумата на Скот Рединг која се распадна на вчерашниот тренинг

Средната и тврда компонента („Medium“ и „Hard“) на Мишелин гумите сега ќе биде заменета со нова екстра („Extra“) гума. Како што налагаат и самите правила во МотоГП проиазводителот на гуми е задолжен да обезбеди екстра компонента во вакви случаи, па Мишелин тоа и го стори. Новата гума е изработена со поцврста конструкција, а компонентата е слична на средната која се возеше и до сега.

Заради задолжителните промени, сите тимови ќе добијат уште еден (петти) слободен тренинг на кој ќе имаат прилика да ги пробаат новите гуми. Тренингот ќе се одржи во 14 часот по наше време, а сеуште нема потврда дали ќе се пренесува во живо на СпортКлуб канлите. Тренингот ќе трае 30 минути по што ќе продолжат варм-ап сесиите (20 минути), а трката се вози вечерва со почеток од 21 часот.

  Недела (03.4.2016)
14:00 Слободен тренинг - MotoGP
14:40 Загревање - Moto 3
15:10 Загревање - Moto 2
15:40 Загревање - MotoGP
18:00 Трка - Moto 3 во живо (SK3)
19:20 Трка - Moto 2 во живо (SK3)
21:00 Трка - Moto GP во живо (SK3)

За оние кои ја немаат СпортКлуб 3 програмата во својата ТВ понуда стриминг ќе биде достапен на: http://www.sportcategory.com/c-10.html

comments

Би можело да ве интересира

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Се огласи и производителот на сопирачките Брембо заради кој Априлија и Дукати најавија повлекување и бесплатна замена на главниот кочионен цилиндер кај поновите модели.

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!