MotoGP

MotoGP: Андреа Јанон и Алекс Ринс го претставија новиот мотоцикл на Suzuki за сезоната 2017

Новите возачи на MotoGP тимот на Suzuki, Андреа Јанон и Алекс Ринс го претставија 2017 GSX-RR

Следете нè на:

 

Новите возачи на Suzuki MotoGP, Андреа Јанон и дебитантот Алекс Ринс , во неделата на патеката во Сепанг го претставија моделот за новата сезона, 2017 GSX-RR.

Откако си замина главниот возач, Маверик Вињалес, компанијата одлучи да го рестартира својот MotoGP проект.

suzuki rr 1

Вињалес, кој заврши на четвртото место во генералниот пласман минатата сезона, на тимот му ја донесе првата MotoGP  победа по 2007 година. Сепак, од следната сезона, тој ќе настапува за неколкукратниот шампион, Yamaha.

Suzuki не чекаше долго и потпиша договор со Андреа Јанон кога стана јасно дека италијанецот ќе го напушти Ducati за да се ослободи место за Хорхе Лоренцо. Минатата сезона Јанон  исто така ја оствари својата прва MotoGP победа на патеката во Австрија која беше и прва победа за Ducati по 2010 година.

„Навистина сум среќен што ја започнувам оваа нова авантура,“ изјави Јанон. „Suzuki за мене отсекогаш биле дел од светот на трките и се надевам дека ќе ја добијам наклонетоста на фановите исто како што направиле и поранешните, фантастични, возачи кои се дел од историјата на овој тим.Престојната сезона е голем предизвик но истовремено и голема мотивација за мене.“

„Со нетрпение чекам да му вратам на Suzuki за целиот интерес и посветеност што ја покажаа кон мене. Ќе дадам се од себе во новата сезона и ќе се обидам да ги постигнам најдобрите резултати за тимот.“

На Moto2 ѕвездата, Алекс Ринс, се гледа како на возач кој во иднина би можел да биде наследник на Маверик Вињалес.

За разлика од Јанон кој го имаше својот прв настап на патеката во Валенсија, Ринс имаше повреда и мораше да го пропушти тестот.

„Главната цел на секој возач е да стигне до MotoGP бидејќи тоа е врвот на мото трките,“ изјави Ринс.

„Тимот е неверојатен и ми дадоа поддршка уште од првиот момент. Мотоциклот исто така е фантастичен и сум многу задоволен, мотивиран и благодарен на Suzuki што веруваат во мене.Ова ќе биде фантастична година во која ќе научиме многу еден за друг и тоа е нашата главна цел уште од самиот почеток.“

„Несреќата во Валенсија ни ги расипа плановите но работиме напорно за да се вратиме на вистинскиот пат. Со нетрпение чекам да настапам со GSX-RR.“

Технички, новиот мотоцикл е опишан како еволуција на веќе одличната машина од минатата сезона. Промени има кај моторот, шасијата и електрониката. Поради четирите места на подиумот кои ги освои Вињалес, тимот следната сезона ќе може да направи помалку промени на моторот, ќе има помалку приватни тестирања и нема да може да го развива моторот во текот на сезоната.

Исто како и кај останатите фабрички тимови и Suzuki се уште до крај не го довршил изгледот на моделот за сезоната 2017. Официјалниот тест во Сепанг ќе се оддржи утре.

comments

Би можело да ве интересира

Покрај рекордната продажба во САД која ја објавија минатата недела, BMW соопшти дека успеале да го надминат и рекордот на компанијата на глобалнот пазар, откако во 2017 година успеаа да продадат 164.153 мотоцикли. 

И покрај намалената целокупна продажба на мотоцикли на пазарот, Ducati имаше раст во продажбата и поголеми бројки во 2017 година

Уште еден драматичен ден на релито Дакар. Поранешниот лидер во генералниот пласман, Адриен Ван Беверен мораше да биде евакуран од етапата после тешкиот судар кој го имаше на само 3 километри до целната линија.

Возачот на Јамаха Теч 3 тимот, Јонас Фолгер, преку својот менаџер денеска го извести тимот дека нема да настапува на овогодинешниот МотоГП шампионат.

Правилникот според кој техничкиот директор на MotoGP, Дени Олдриџ, одлучува во однос на легалноста на аеродинамичните крилца нема да се промени во 2018 година.

Ducati ги следи Франко Морбидели и Франческо Бањаиа, двајца од најпросперитетните Италијански возачи во моментов, како и Светскиот шампион во Moto3 Јоан Мир.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!