21
Пон, Авг
MotoGP

MotoGP: Превирањата пред последната трка не запираат

Остануваат само уште неколку денови до нај очекуваниот мото настан во годината, а превирањата во МотоГП шампионатот никако да престанат.

Следете нè на:

 

Rossi vs Marquez Sepang Clash 2015 3Роси и Маркез пред сударот во Сепанг

Остануваат само уште неколку денови до нај очекуваниот мото настан во годината, а превирањата во МотоГП шампионатот никако да престанат.

Вчера беше објавено дека стандардната прес конференција која се одржува во петок пред секоја МотоГП трка ќе биде откажана, а наместо тоа сите возачи и тимови ќе имаат состанок со претседателите на Дорна и ФИМ. Потоа беше објавенo дека иако нема да имаат заедничка прес конференција, возачите ќе им се обратат на новинарите еден по еден.

„Војната“ во која има три засегнати страни никако да намали со својот интензитет, откако пред два дена извршниот претседател на Хонда даде изјава со директни обвинувања за Роси, денеска од Јамаха пристигна демант во кој се вели:

„Тимот на Јамаха сака да изрази несогласување со ставовите кои се искажани од страна Репсол медиа сервисот на 25-ти октомври и интервјуто на г-н Шухеи Накамото на 2-ри ноември во врска со инцидентот помеѓу Марк Маркез и Валентино Роси. Во двата извештаи се спомнува удирање на Маркез од страна на Роси, иако такво нешто не беше докажано од страна на Дирекцијата на трката која ја спроведе истрагата. Ги одбиваме ваквите искази кои не се во согласност со вистината и со наодите на комисијата. Јамаха не сака да влегува во било каква понатамошна дискусија за несреќниот настан, и сакаме да ја завршиме сезоната на најдобар можен начин“.

Неколку часа подоцна во текот на денот пристигна и пресот од Арбитражниот суд за спорт во кој се вели дека барањето на Лоренцо да учествува во дискусијата за казната на Роси е одбиено. Во образложението се вели дека барањето на Лоренцо кое било доставено на 2-ри ноември е одбиено и дека спорот за казната е единствено помеѓу Валентино Роси и ФИМ. Според пропозициите, доколку има трета страна која има интерес од некој спор може да побара да учествува во арбитражата, но CAS (Court of Arbitration for Sport) одлучи да го одбие Лоренцо. Судот потсети дека има рок до петок да одлучи во врска со барањето на Роси.

Само уште неколку денови не делат од она што се очекува да биде нај гледаниот мото настан во историјата...

comments

Би можело да ве интересира

Уште еден потпис на МотоГП возач за следната сезона, Карел Абрахам го продолжи договорот со тимот на Aspar.

Тимот на LCR Honda денеска соопшти дека од следната сезона ќе има двајца возачи, освен Кал Крачлоу за тимот ќе настапува и Такаки Накагами. 

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!