Марк Маркез забележа најдобро време на третиот тренинг на патеката Захсенринг во Германија, зад него со втор резултат се најде Алекс Еспергаро, следен од Валентино Роси.

Марк Маркез забележа најдобро време на третиот тренинг на патеката Захсенринг во Германија, зад него со втор резултат се најде Алекс Еспергаро, следен од Валентино Роси.

Хорхе Лоренцо не настапи на тренингот, а нема да настапи ни на утрешната трка откако доживеа потежок пад на вчерашниот втор тренинг. Неизвесен е и настапот на Дани Педроса кој на денешниот тренинг истот така доживеа хајсајд со својата Хонда, по што беше однесен во болница на прегледи.

Првичните рентгенски снимки не покажаа ништо страшно за Педроса, но вториот преглед во болницата покажа дека има мал потрес на мозокот. Последен пат на Захсенринг на возачот кој имаше потрес на мозокот не му беше дозволено да вози, а за Педроса, германскиот доктор ќе го има последниот збор за тоа дали ќе може да вози на утрешната трка или не.

Почетните минути од тренингот ги одбележаа и неколку капки дожд на патеката по што возачите се вратија во боксовите, по враќањето се случи инцидентот на Педроса, на 15 минути од почетокот на сесијата. До крајот на тренингот забележително беше возењето на Маркез, кој забележа предност од 0.226 делови од секундата пред...Алекс Еспергаро!

Еспергаро годинава е неприкосновен во ЦРТ класата, и покажува дека со право Јамаха Теч3 тимот е заинтересиран за неговите услуги за следната сезона.

Четвртиот тренинг на програмата е во 13:30, веднаш потоа започнуваат и квалификациите, првите во 14:10, а вторите во 14:35.

Трката во недела започнува во 14:00, можете во живо да ја гледате во Бајкерс Плејс (пренос на Спорт Клуб каналот) или преку стриминг на http://www.sportcategory.com/c-10.html