27
Саб, Мај
MotoGP

Марк Маркез е новиот шампион во MotoGP

На големо изненадување на сите, Марк Маркез на патеката во Мотеги успеа да ја освои титулата Светски Шампион за сезоната 2016. Ова за него претставува петта светска титула.

Следете нè на:

 

На големо изненадување на сите, Марк Маркез на патеката во Мотеги успеа да ја освои титулата Светски Шампион за сезоната 2016. Ова за него претставува петта светска титула.

Иако многумина очекуваа Маркез да ја освои титулата, се претпоставуваше дека тоа ќе се случи подоцна во текот на сезоната, бидејќи Маркез не само што мораше да победи на трката во Јапонија, туку и останатите конкуренти, Валентино Роси и Хорхе Лоренцо, требаше да имаат слаб пласман.

Twin Ring Motegi 2016 Marc Marquez celebration

Овие два негови ривали многу ретко прават грешки па затоа трка на која и двајцата ќе се најдат долу на табелата беше навистина неочекувана.

Но токму тоа се случи на Јапонското Гран При. Најпрво Лоренцо а потоа и Роси излетаа од патеката во обид да го стигнат возачот на Repsol Honda.  На некој начин, Јапонската трка беше метафора за целокупната сезона. Маркез беше возачот кој требаше да се победи. Тој победи на најмногу трки досега, но освојувањето на титулата дојде како резултат на грешките на неговите ривали.

Поради многу причини, Роси и Лоренцо меѓусебно имаат единаесет трки на кои забележаа слаби резултати а постигнаа само пет победи. Ова се два одлучувачки податоци кои јасно покажуваат како Маркез успеа да ја освои својата трета титула во MotoGP шампионатот.

Twin Ring Motegi 2016 Marc Marquez on top 1

Но не е фер ниту да се каже дека Роси или Лоренцо го загубија шампионатот. Нивните резултати покажуваат дека тие едноставно не успеаа да го стигнат нивото кое Маркез го поставуваше секој викенд.

Мора да се земе во предвид дека сезоната 2016 е директен одговор на неуспехот на Маркез да ја освои титулата минатата сезона. Тоа може да се поврзе со фокусот на Шпанецот да постигнува победи наместо да менаџира со резултатите.

Сепак Маркез ја научи лекцијата од минатата сезона и стана подобар возач. Во сезоната 2016, Honda имаа проблеми со мотоциклот . Но Маркез мудро ги одбираше битките. Притискаше кога можеше но сепак освојуваше поени и тогаш кога не беше доволно брз. Оваа сезона ни донесе осум различни победници на трките, а одлуката на Маркез да прифати место на подиумот му ја донесе титулата.

Twin Ring Motegi 2016 Marc Marquez victory 1

Она што Маркез успева да го направи со својот мотоцикл секој викенд е навистина неверојатно, но оваа сезона тој покажа и нешто друго. Тој покажа дека созреа како возач.

Комбинацијата на овие два елементи е навистина моќна, а неговите ривали треба да бидат внимателни.  Се сомневаме дека ова ќе биде негова последна титула во MotoGP шампионатот.

comments

Би можело да ве интересира

Доколку погледнете наназад ќе забележите дека пневматиците во изминативе 100 години не се многу променети. Секако, имаше напредок во однос на нивната конструкција и материјалите кои се употребуваат за производство но целокупниот пакет остана воглавно непроменет.

Red Bull Honda потврди дека трката која ќе се оддржи овој викенд во Донингтон парк ќе му ја посвети на Ники Хејдн.

Викендов на патеката Аданката во Романија се возеа шестата и седмата трка од БМУ Европскиот шампионат во брзински мотоциклизам.

Поглед кон исклучителната кариера на поранешниот MotoGP шампион

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!