29
Чет, Јун
MotoGP

Макс Бијаџи го комплетираше MotoGP тестот за Pramac Ducati

Макс Бијаџи зборуваше за задоволството кое го имаше од можноста повторно да вози MotoGP мотоцикл.

Следете нè на:

 

060613-max-biaggi-pramac-ducati-motogp-test-01Императорот се врати на МотоГП машина

Макс Бијаџи зборуваше за задоволството кое го имаше од можноста повторно да вози MotoGP мотоцикл.

Осум месеци по пензионирањето од Светскиот Супербајк шампионат и осум години откако го напушти MotoGP, Римскиот император ги компетираше своите први кругови со Desmosedici и со Bridgestone гуми.

Лошите временски услови беа причина за прекинување на тестот во петокот, на кои според GPOne.com, Бијаџи извозе најдобар круг од  1м 52.1с.

За споредба, возачот на Ducati Андреа Довициозо постигна време од 1м 48.2с на GP13- лабораториски мотоцикл- на истиот тест.  Најбрзиот круг за време на минатонеделната трка го постигна Марк Маркез и тоа изнесуваше 1м 47.639с.

„Повторно сум возач за прв пат по осум месеци,” изјави Бијаџи. „Одлично е бидејќи ова е спорт кој навистина ми се допаѓа. По првите неколку круга, почувствував дека сум бил отсутен осум години, бидејќи MotoGP мотоциклот има брза реакција и прогресија кои не постојат во Супербајк.”

Бијаџи ја возеше машината на Бен Спиз која остана празна поради неговите проблеми со рамото. Веста за тестирањето на Бијаџи ги поттикна шпекулациите дека тој би можел да го замени Спиз на претстојната трка во Каталуња, но од Pramac изјавија дека ќе вози Микеле Пиро, тест возачот на Ducati. Бијаџи изјави дека добро се поврзал со тимот Pramac и исто така кажа дека тоа бил само еден тест.

„Беше убаво бидејќи добро се поврзав со луѓето кои ми беа доделени за овој тест, исто како и во Aprilia во 2009 година. Имаше позитивно чувство помеѓу сите нас, иако тоа беше само еден тест.”

„Би сакал да им се заблагодарам на Ducati и на тимот Pramac за оваа можност. Немавме многу среќа бидејќи од двата дена на располагање, повеќе или помалку имавме само еден ден поради дождот. Не направивме никаква штета и имавме добра забава.”

Макс Бијаџи се натпреваруваше во Гран При трките од 1992 до 2005 година. Осум сезони во премиерната класа помина возејќи машини на Honda и Yamaha. По една расправија со Honda, Италијанецот ја пропушти целата сезона во 2006 година пред да се префрли во трките од Светскиот Супербајк шампионат наредната година.

 

comments

Би можело да ве интересира

Ducati најави нов модел во својата Multistrada линија додавајќи го 1200 Enduro Pro.

Најголемата BMW средба која ќе биде седумнаесетта по ред ќе се оддржи во подножјето на планината Хаусберг во Гармиш-Партенкирхен на почетокот од месец јули.

Роси сега заостанува само седум поени зад новиот лидер, Андреа Довициозо, и три поени зад Вињалес. Следната трка ќе се оддржи во Германија на патеката Захсенринг по што ќе следува летната пауза.

Како што се навестуваше веќе подолго време, Франко Морбидели премина во MotoGP откако потпиша двогодишен договор со екипата на Marc VDS Racing.

Викендов на програмата е 8-та трка од МотоГП шампионатот која ќе се вози на патеката Асен во Холандија.

„Викендот во Каталуња, вклучувајќи го и тестот беше навистина големо искуство за мене. Сакам да го искористам знаењето кое го стекнав за да остварам што е можно подобар резултат“ – Јохан Зарко.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!