MotoGP

Лоренцо: Ситуацијата е тешка

„Точно е дека ситуацијата е тешка бидејќи Марк има мала предност во шампионатот“ – Хорхе Лоренцо

Следете нè на:

 

Актуелнот трикратен MotoGP шампион Хорхе Лоренцо е смирен и свесен дека заостанува 48 поени зад Марк Маркез.

Ѕвездата на Yamaha смета дека ситуацијата е тешка, но и додаде дека возачот на Honda има мала предност пред почетокот на вториот дел од шампионатот.

Лоренцо заврши на 10. место на трката во Холандија, а беше 15ти на трката во Германија. Слаба трка имаше и во Каталуња. Сега тој заостанува речиси две победи зад Марке,з а до крајот на шампионатот остануваат уште 9 трки.

motogp sachsenring 2016 20Лоренцо со наведната глава по трката во Германија

„Точно е дека ситуацијата е малку тешка бидејќи Марк е пред нас, но ние ќе дадеме се од себе како и секоја година. Ќе продолжиме да се бориме до крајот на шампионатот,“ изјави Лоренцо.

„Поминав неколку дена на одмор и потоа повторно почнав да тренирам за да бидам во добра форма пред вториот дел од сезоната.“

Лоренцо имаше шесто најдобро време на приватниот тест, со многу мало заостанување од тимскиот колега Валентино Роси, но и двајцата заостануваа речиси една секунда од возачот на Ducati, Андреа Јанон.

„Се уште сме многу далеку бидејќи Ducati, со нови пневматици, може да ја искористи предноста од забрзувањето и стабилноста при сопирање. Да видиме кои пневматици Michelin ќе ни ги даде за трката,“ изјави Лоренцо.

Во вторникот, Michelin потврди дека изработиле два нови задни пневматика откако ги анализирале податоците од тестот.

И покрај брзината на Ducati, Лоренцо и Роси може да бидат малку среќни бидејќи Маркез не присиствуваше на тестот. Лоренцо исто така изјави дека е многу добро чувството кога повторно е во топ форма.

motogp sachsenring 52На Пол Еспергаро во Захсенринг не му беше јасно што му е на Лоренцо

„Кога патеката е добра и нема никакви проблеми, повторно сум компетитивен, како што видовме и денеска. Немав најдобро време бидејќи бев внимателен со меките пневматици.“

Во однос на безбедноста на патеката, Лоренцо како и повеќето други возачи побара да се подобрат некои свиоци.

„На три или четири свиока треба да има повеќе простор за поголема безбедност. Особено на дожд бидејќи многу лесно може да паднете. Тешко ќе биде да се промени нешто бидејќи на тој дел има многу планини, но нешто мора да се направи бидејќи оваа патека со сигурност не е најбезбедната во шампионатот.“

Би можело да ве интересира

Како што можете да забележите по огласите за продажба на мотоцикли, возраста се повеќе ги принудува возачите засекогаш да се откажат од своите мотоцикли.

Во Хонда салонот на Макпетрол пристигна новиот Honda CB125R 2018.

Организаторите на релито Дакар само што ги соопштија нивните првични планови за 2019 година. Следната сезона, оваа исклучително тешка трка ќе се оддржи само во една држава: Перу.

MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.

Патеката Ле Ман во Франција беше домаќин на петтата трка до МотоГП шампионатот. Марк Маркез уште еднаш го потврди својот авторитет откако победи со предност од 2.31 секунда пред второпласираниот Петручи.

Дукати го обезбеди потписот на Довициозо, но сѐ уште не е познато кој ќе биде негов тимски колега.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!