MotoGP

Лоренцо: Очекувајте изненадувања на трката

„Ќе има многу изненадувања, а исто така и возачите треба да бидат внимателни бидејќи многу работи се променети“ - Хорхе Лоренцо

Следете нè на:

 

Возачот на Movistar Yamaha, Хорхе Лоренцо, беше задоволен откако заврши на првото место на првите тестови кои се одржаа на петаката во Лосаил, Катар.

Лоренцо беше за 0.4 секунди побрз од возачот на Suzuki, Маверик Вињалес. Тој изјави дека  комбинацијата на Michelin пневматици и новиот ECU софтвер ќе биде добра и додаде дека промените ќе им бидат од корист на возачите.

lorenzo qatar tt1Лоренцо беше најбрз на првиот ден во Катар

„Мислам дека ако трката се одржеше утре, ќе беше комплетно различна од минатата година или од изминатите четири или пет години. Ќе има многу изненадувања, а исто така и возачите треба да бидат многу внимателни,“ изјави Лоренцо.

„Електрониката е помалку софистицирана па затоа треба да посветиме поголемо внимание на гаста, особено кога задната гума ќе почне да се спушта. Напорот ќе биде поголем бидејќи физички и ментално треба секогаш да бидеш внимателен. “

„На Филип Ајленд, мотоциклите на Honda беа навистина силни, но тука, во овој момент, имаат некаков проблем. Секоја трка ќе биде различна. Оваа патека е многу слична на Сепанг, а тоа мене ми одговара.“

Лоренцо уште еднаш потенцираше дека мора да го промени стилот на возење за подобро да ги искористи новите гуми, но сепак е задоволен од својот досегашен настап.

„Повторно бевме компетитивни и се чувствував многу добро со Michelin. Пневматиците и електрониката бараат голема промена, особено пневматиците на кои им треба малку повеќе време за да се загреат. Затоа треба да бидеш внимателен и да ги знаеш нивните граници.“

„На некои моменти бевме подобри од останатите возачи и тоа е позитивно. Но да почекаме и да видиме како ќе биде на трката.“

„Немавме многу време за работа бидејќи во 9 часот речиси сите ги прекинаа тестовите поради падот на температурата. Мора да бидете внимателни на такви услови,“ изјави Лоренцо.

„Три часа не се доволни за да се пробаат многу работи, но имаме уште два дена. Постигнав најбрзо време со стари гуми.“

Тестовите ќе продолжат во четврток и петок.

 

comments

Би можело да ве интересира

Алеш Еспаргаро го заврши првиот ден од тестовите во Австралија на изненадувачкото прво место откако на најдобар начин ги искористи временските услови на Филип Ајленд. На крајот Еспаргаро заврши со предност од 0.005 пред лидерот во шампионатот, Марк Маркез.

Honda Super Cub, кој беше создаден во Јапонија, ја отсликува пасијата на компанијата да им служи на луѓето ширум светот. Како резултат на ваквата политика, Super Cub серијата веќе долго време предизвикува задоволство кај луѓето од целиот свет и успеа да стигне до бројка од 100 милиони произведени примероци.

Сега сме во многу тешка ситуација, особено кога настапуваме на влажни услови. И на суви услови имаме проблеми но барем можеме да бидеме малку поконкурентни.

Бројот на претсезонските тестови во 2019 година ќе биде ограничен и ќе се оддржат само во Сепанг и во Катар пред започнувањето на сезоната.

BMW, Honda и Yamaha ги преземаат следните чекори во примената на паметната технологија.

Патеката во Херез на која ќе се оддржи трката од WSBK шампионатот ќе биде полна со возачи кои се на замена. Големиот број на повреди оваа сезона не ги погодија само регуларните возачи туку и нивните заменици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!