MotoGP

KTM размислува за Пол Еспаргаро како втор фабрички возач

Според најновите гласини, тимот на KTM се подготвува да му понуди договор на возачот на Yamaha Tech 3, Пол Еспаргаро. 

Следете нè на:

 

Договорот би се однесувал на сезоната 2017, а можеби и за 2018. Доколку гласините се остварат, тогаш двајца возачи од сателитските тимови на Yamaha ќе преминат во Австрискиот тим.

Не е тајна дека помладиот од браќата Еспаргаро, кој премина во MotoGP пред две сезони, сака да обезбеди место во некој фабрички тим. Секако, тој се надеваше на местото на Хорхе Лоренцо, кој ќе премине во Ducati, но поради неговите просечни перформанси не му успеа тоа.

Директорот на Yamaha, Лин Џарвис изјави: „Не сметавме на Пол да биде наш фабрички возач. Не сметавме на него бидејќи неговите перформанси во изминатава сезона не беа задоволителни. Минатата година, Бредли беше пред Пол во шампионатот. Тоа беше разочарувачка сезона. Оваа сезона ја започна добро, но сепак има големо заостанување од лидерите на секоја трка. Мислам дека Пол се уште треба да напредува и мислам дека со сегашниот мотоцикл треба да постигнува многу подобри резултати.“

ktm pol espergaroКТМ со големи амбиции за првата сезона во МотоГП

„Дали би бил подобар во фабрички тим? Веројатно да, но само за малку. Се уште има слободно место во Tech 3 и тоа ќе биде достапно за него се додека тој не донесе одлука. Се надевам дека Пол ќе созрее како натпреварувач и во иднина ќе стане фабрички возач.“

Според ова, на Пол Еспаргаро се уште му стои отворена опцијата за Yamaha Tech 3, но тој можеби ќе си ја испроба среќата во фабрички тим, и покрај тоа што ќе биде нивна прва сезона и ќе настапуваат со комплетно нов мотоцикл.

Се уште не е познато каква е MotoGP машината на KTM. Од тимот велат дека таа е одлична. Во секој случај, на мотоциклот нема да му недостига моќност бидејќи од компанијата тврдат дека мотоциклот има повеќе од 270 коњски сили.

Како да се исконтролира оваа моќ е следната задача на инжињерите на KTM. Минатата трка видовме како поради мал проблем може да се изгуби. Хорхе Лоренцо го претекна Марк Маркез во близина на стартот само поради тоа што Honda имаше мал проблем.

Се чини дека Пол Еспаргаро ќе мора да избере меѓу мотоциклот и тимот што веќе ги знае или да премине во нешто непознато, односно во тимот на KTM. Доколку премине во Австрискиот тим, барем покрај себе ќе го има својот поранешен тимски колега.

comments

Би можело да ве интересира

Возачот на Јамаха Теч 3 тимот, Јонас Фолгер, преку својот менаџер денеска го извести тимот дека нема да настапува на овогодинешниот МотоГП шампионат.

Правилникот според кој техничкиот директор на MotoGP, Дени Олдриџ, одлучува во однос на легалноста на аеродинамичните крилца нема да се промени во 2018 година.

Ducati ги следи Франко Морбидели и Франческо Бањаиа, двајца од најпросперитетните Италијански возачи во моментов, како и Светскиот шампион во Moto3 Јоан Мир.

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Се огласи и производителот на сопирачките Брембо заради кој Априлија и Дукати најавија повлекување и бесплатна замена на главниот кочионен цилиндер кај поновите модели.

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!