MotoGP

КТМ потврди дека Смит и Еспаргаро ќе бидат дел од MotoGP тимот за сезоната 2018

Во интервју за магазинот „Speedweek“, шефот на КТМ, Пит Бајер, изјави дека Смит не заслужил да биде сменет од тимот и дека поради притисокот од медиумите неговите перформанси биле послаби.

Следете нè на:

 

После неколку месеци шпекулации во однос на тоа кои возачи ќе бидат дел од тимот на КТМ следната сезона, Австриската компанија денеска издаде и официјално соопштение. Во фабричкиот тим на КТМ и во иднина ќе бидат Пол Еспаргаро и Бредли Смит, а Мика Калио и понатаму ќе биде тест возач.

bradley smith ktm racing aragon gp

Ваквата информација сигурно ќе ја врати стабилноста во тимот и ќе заврши неизвесноста со која се соочуваше Бредли Смит. Во текот на првиот дел од сезоната Англичанецот имаше проблеми со конзистентноста за разлика од неговиот тимски колега Еспаргаро кој од трка во трка беше се подобар. Местото на Смит во тимот дополнително се разниша откако тест возачот Калио забележа подобар пласман од него на трката која се возеше во Австрија.

Поради ваквиот развој на настаните постоеше можност двајцата возачи да ги заменат местата, а и самиот Калио изјави дека негова цел во иднина е да биде прв возач на тимот.

Според Смит, тој премногу се фокусирал на развојот на мотоциклот и не бил доволно посветен на самото тркање. Гласините за промена на возачите дополнително се засилија по уште еден добар настап на Калио во Арагон. На таа трка, Смит заврши со резултат од 19 секунди побавен од времето кое го постигна Финскиот возач.

А кога тимот соопшти дека Калио ќе настапи и на трката во Валенсија, многумина помислија дека одлуката е веќе донесена. Но се чини дека на крај нема да испадне така. По состаноците во Австрија, КТМ донесе конечна одлука и ги отстрани сите сомнежи.

Во интервју за магазинот „Speedweek“, шефот на КТМ, Пит Бајер, изјави дека Смит не заслужил да биде сменет од тимот и дека поради притисокот од медиумите неговите перформанси биле послаби.

comments

Би можело да ве интересира

Pirelli ги претстави новите гуми, DIABLO ROSSO CORSA II.

FIM Гран При комисијата ги објави новите промени на правилата за MotoGP сезоната 2018.

Во надополнувањето на правилникот се наведува дека тимовите и производителите може да додаваат аеродинамични компоненти се додека тие ги задоволуваат правилата.  Со ваквата одлука, сега се отвора можноста производителите да ги нудат аеродинамичните крилца и на продукциските модели.

Силвиан Гинтоли пoтврди дека ќе се натпреварува следната сезона иако го загуби местото  во Светскиот и во Британскиот Супербајк шампионат.

Ивчески дојде до нај големиот успех во брзински мотоцклизам во Македонија откако ја освои титулата во БМУ Европскиот шампионат.

Бројот на денови кои можеме да ги поминеме на тркачката патека се намалува, новите машини за следната година веќе беа претставени, а дополнително, ни пристигнува и зимата. За мото индустријата, ова е слаб период од сезоната.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!