25
Вто, Апр
MotoGP

Кени Робертс Јуниор ќе влезе во историјата на MotoGP

На претстојната Гранд При трка во САД овој викенд Кени Робертс Јуниор ќе им се приклучи на неговиот татко, Кени Робертс, како и на Американците Еди Лосон, Вејн Рејни, Кевин Шванц и Ники Хејдн и ќе стане официјална MotoGP легенда.

Следете нè на:

 

На претстојната Гранд При трка во САД овој викенд Кени Робертс Јуниор ќе им се приклучи на неговиот татко, Кени Робертс, како и на Американците Еди Лосон, Вејн Рејни, Кевин Шванц и Ники Хејдн и ќе стане официјална MotoGP легенда.

Кени Робертс ќе стане официјална MotoGP легенда во петок на патеката во Остин, Тексас. Синот на легендарниот Кени Робертс, ја започна својата Гран При кариера во тимот на неговиот татко во серијата од 250cc пред да премине во премиерната класа во 1995 година.

2001gpmugello 7Кени Робертс Јуниор на патеката Мугело во 2001 година

После две сезони во Modenas KR3, возачот од Калифорнија доживеа успех кога премина во фабричкиот тим на Suzuki во 1999 година. Таа сезона тој успеа да постигне неколку победи и на крајот заврши на второто место во генералниот пласман веднаш зад возачот на Honda, Алекс Кривие.

Следната сезона Робертс успеа да постигне четири победи и пет пати се искачи на подиумот што му овозможи да ја освои титулата. Иако остана со тимот и во следните пет сезони, Робертс успеа да освои само уште три места на подиумот.

Откако се врати во тимот на неговиот татко во 2006 година, неговата кариера оживеа. Освои две места на подиумот и за малку не славеше на трката во Есторил. На крајот на сезоната заврши како шести.

Но во 2007 година и преминот на моторите со зафатнина од 800cc, неговите перформанси значително паднаа. Откако освои само четири поени од седум трки, Робертс Јуниор реши да се повлече од натпреварувањето.

Неговиот татко и три кратен шампион во премиерната класа веќе е дел од MotoGP Hall of Fame.

Веднаш по Робертс Јуниор, и шампионот од 1981 година, Марко Лучинели, ќе стане дел од оваа група и ќе останат само четири 500cc шампиони кои се уште не се дел од куќата на славните. 

comments

Би можело да ве интересира

Втората трка која викендов се возеше на патеката во Романија му донесе уште еден подиум на Слободан Ивчески.

Возачот на Repsol Honda вели дека неговата петта победа по ред на патеката во Остин го врати во борбата за титулата

„Очигледно е дека не беше негова вина што излезе од патеката. Но исто така тој не смее да се стекне со предност“ – Мајк Веб, директор на трката.

Одлични резултати од 3. трка во БМУ Европскиот брзински мото шампионат

Како и што предвидовме, BMW HP4 Race, мотоциклот кој е изработен од многу карбонски делови, дебитираше на шоуто во Шангај. Ова е продукциската верзија на прототипот која BMW Motorrad ни ја најави на минатогодишното EICMA шоу во Милано.

Макпетрол во својот продажен салон го изложи новиот модел на Honda CBR500R.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!