18
Пет, Авг
MotoGP

Кејси Стонер: Притиснав за прв пат по неколку години

„Четири години без да направам грешка. На серијата некогаш мораше да и дојде крајот.“ – Кејси Стонер

Следете нè на:

 

Кејси Стонер воопшто не тагуваше поради несреќата што ја доживеа во средата на MotoGP тестовите во Австрија. Ова е негов прв пад во MotoGP после четири години.

Пензионираниот двократен светски шампион на првиот ден од тестирањето заврши на четвртото место. На вториот ден тој се најде на третото место, а во обидот да го подобри своето време, тој ги замени пневматиците со кои возеше со помека верзија.

Во шестиот свиок, Австралиецот излета од патеката и остана со заостанување од 0.625 секунди зад возачите на Ducati, Андреа Јанон и Андреа Довициозо.

Stoner gp16

Зборувајќи подоцна во текот на вечерта, Стонер изјави: „Да бидам искрен, на свиокот пред да паднам, прв пат ја притиснав гаста посилно после неколку години. На секој тест возиш по одредена шема. Нема потреба да преземаш ризици. “

„За прв пат после неколку години возам со меки пневматици. Шансите да паднам беа поголеми на претходниот свиок. Но се помина во најдобар ред. Потоа влегов во следниот свиок и паднав.“

„Тоа беше малку чудно за мене но очегледно причината за падот беше мекиот пневматик. Во изминативе два дена возевме со тврда гума. Веројатно малку поголема тежина се префрли од задниот на предниот дел и не бев подготвен за тоа.“

„Тоа се случи кај шестиот свиок. Дури не го ни навалив мотоциклот колку што требаше. Во исто време се чувствувам добро но и разочарано. Четири години без да направам никаква грешка. На серијата некогаш мораше да и дојде крај!“

Возачите на Ducati доминираа на тестовите во Red Bull Ring, завземајќи ги првите четири мести на двата дена од тестовите. Следниот месец, патеката ќе биде домаќин на првата MotoGP трка во Австрија по 1997 година.

„Сериозно работиме на мотоциклот. Стабилноста при сопирање е навистина добра. Во овој момент не гледам никаква слабост,“ изјави Стонер за мотоциклот на Ducati.

„Можеби можеме да го подобриме мотоциклот, но се уште ја немаме најновата шасија која ја тестирав во Мизано.“

Јанон,кој беше за 0.440 секунди подобар од Довициозо, ја користеше новата шасија.

comments

Би можело да ве интересира

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Како и што се очекуваше, стигна официјална потврда дека Џек Милер ќе ја напушти Honda и од 2018 година ќе настапува за Pramac Ducati.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!