MotoGP

Кал Кратчлоу и неговиот MotoGP мотоцикл учествуваа во реклама на Rizoma

Rizoma ги проектира и дизајнира специфичните делови кои LCR ги користи на нивниот мотоцикл.

Следете нè на:

 

Rizoma и LCR Honda очигледно припаѓаат на два различни света. Првиот производител е специјалист за производи кои се користат доколку сакате да го промените изгледот на вашиот мотоцикл или скутер, а вториот е сателитскиот тим на Honda кој воопшто не се грижи за неговиот изглед туку важни му се перформансите.

Но сепак, овие две компании создадоа силно партнерство. Rizoma ги проектира и дизајнира специфичните делови кои LCR ги користи на нивниот мотоцикл.

Видеото подолу, на кое Кал Кратчлоу вози LCR Honda RC213V, го рекламира нивното партнерство. Тука може да се видат деловите кои се користат за време на трка, како што се штитници за сопирачките, полуга за менување на брзини и држачи за нозете.

rizoma gpОдлична презентација за партнерството на Rizoma и CWM LCR Honda

И покрај тоа што личат како и сите други производи кои можете да ги купите во било која мото продавница, оние кои се користат во премиерната класа се внимателно изработени за да обезбедат најдобри перформанси при најтешки услови.

Со додатоците од Rizoma, слободно можете да заборавите на механички проблеми. Замислете да се скрши држач за нозе за време на трка или при мал судир. После тоа возачот не би можел да вози како што треба. Ова сигурно не го посакува ниту еден MotoGP тим.  

Сетете се само колку пати до сега сте виделе некој возач кој паднал, како повторно се обидува да го стартува мотоциклот. Неговите држачи и сопирачките воопшто не се оштетени. Тоа значи дека додатоците можат да претрпат голема штета но тие и понатаму ќе продолжат да функционираат. 

Кал Крачлоу минатата сезона во MotoGP шампионатот заврши на осмото место. Заостануваше 37 поени зад фабричкиот возач на Ducati, Андреа Довициозо, а имаше 11 поени предност пред возачот на Yamaha Tech 3, Пол Еспаргаро.

На трите претсезонски тестови, Крачлоу имаше добар настап. На патеката во Сепанг заврши на шестото место, трети беше на Филип Ајленд, а седми во Лосаил. Но колку навистина се подобрил ќе видиме на првата трка од MotoGP шампионатот која ќе се оддржи викендов во Катар. 

comments

Би можело да ве интересира

Ивчески дојде до нај големиот успех во брзински мотоцклизам во Македонија откако ја освои титулата во БМУ Европскиот шампионат.

Бројот на денови кои можеме да ги поминеме на тркачката патека се намалува, новите машини за следната година веќе беа претставени, а дополнително, ни пристигнува и зимата. За мото индустријата, ова е слаб период од сезоната.

Во октомври, за време на мото шоуто во Токио, Kawasaki го најави новиот Z900RS. Имав можност одблизу да ја разгледам оваа ретро машина на саемот „EICMA“ во Милано и морам да кажам дека бев импресиониран.

Постои убедување дека тоа се пред сè, лоши момци, криминалци, небањати, пијани, надувани битанги. Дека таа моторџиска “багра” води неморален живот и сл.

Патрик „Пи-Џеј“ Јакобсен ќе се искачи едно ниво погоре во кариерата откако денеска беше објавено дека Американецот следната сезона ќе настапува за TripleM Honda во Светскиот Супербајк шампионат.

Корпорацијата Yamaha денеска објави дека ќе продаде 8 милиони акции од нејзиниот удел во Yamaha Motor Co. Се очекува договорот  да биде завршен до крајот на утрешниот ден, а од компанијата велат дека ќе понудат неколку видови на хартии од вредност кои потоа би требало да се најдат на пазарот.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!