MotoGP

Кал Кратчлоу: Honda сѐ уште е најтешкиот мотоцикл за возење

Возачот на LCR, Кал Кратчлоу, вели дека Honda MotoGP мотоциклот и понатаму е најтешкиот мотоцикл за возење и покрај подобрувањата кои ги направи Јапонскиот производител.

Следете нè на:

 

Honda имаше добри подготовки – нејзините возачи имаа одлличен настап за време на предсезонските тестови, а второто место кое го го освои нивниот возач Марк Маркез на трката во Катар беше оценето како дополнителен напредок.

Cal Crutchlow Team LCR Honda 103 770x439

Но Кратчлоу, кој заврши на четвртата позиција на трката во Лосаил е убеден дека моделот на Honda е еден од најтешките мотоцикли за возење.

На прашањето дали Honda е во подобра форма од нејзините ривали, тој изјави: „Не. Honda ги има најдобрите возачи.“

„Погледнете ги само како возат Марк и Дани. И јас научив како да го возам мотоциклот на многу подобар начин. Но сепак Honda е најтешкиот мотоцикл за возење. Доколку гледате внимателно, тоа можете да го забележите и за време на телевизискиот пренос.“

„Мислам дека сме во многу подобра форма во споредба со претходните неколку години. Но исто така мислам и дека самите возачи вложуваат многу.“

Кратчлоу смета дека добриот настап кој го имаше на трката во Катар се должи на напредокот кој го има мотоциклот на Honda но исто така и напредокот кој го има самиот тој.

20182F042FCal Crutchlow Team LCR Honda 101

„Патеката во Катар не ми одговара толку добро, а иста е ситуацијата и со мотоциклот на Honda. Но има подобрувања кај тимот, а исто така и кај мене. Крајниот резултат е комбинација на овие две работи. Мислам дека и до сега тука бевме компетитивни. Марк веќе има победено таму, а исто така се има искачено и на подиумот неколку пати. Затоа резултатот кој го постигна можеше и да се очекува. “

„Мислам дека и ние бевме добри со оглед на тоа дека се најдовме во првата група возачи и можевме да се бориме за врвот. Јас и мојот тим завршивме одлична работа.“

На трката во Катар можевме да видиме одличен настап од неколку сателитски тимови. Возачот на Tech 3 Yamaha, Јохан Зарко, стартуваше од пол позицијата и заедно со Кратчлу и возачот на Pramac Ducati,  Данило Петручи, долго време се бореа за место на подиумот.

„Многу помагаат ресурсите кои ги имате како фабрички тим. Средствата кои можете да ги потрошите, екипата која работи за вас. Ресурсите кои тие ги имаат се неограничени. Искрено кажано, на крајот на сезоната, финансиите ја прават разликата во бодовите. Ќе видиме како ќе се одвиваат работите до крајот на сезоната. Доколку продолжиме да настапуваме со истата форма, се може да се случи. “

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!