MotoGP

Јамаха ја објави двегодишната МотоГП програма со Пол Еспергаро

Како што веќе најавивме, Јамаха потпиша договор со Мото2 возачот, Пол Еспергаро, кој од следната година ќе вози за тимот на Yamaha Tech3 и ќе вози Yamaha YZR-M1 со поддршка од фабриката.

Следете нè на:

 

Pol-Espargaro-WallpaperФабричката Јамаха ќе го поддржи Пол Еспергаро и тимот на Tech 3 во 2014

Пол Еспергаро ќе вози за тимот на Yamaha Tech3, на местото на Кал Крачлоу кој потпиша за тимот на Дукати.

Како што веќе најавивме, Јамаха потпиша договор со Мото2 возачот, Пол Еспергаро, кој од следната година ќе вози за тимот на Yamaha Tech3, и ќе вози Yamaha YZR-M1 со поддршка од фабриката.

Пол Еспергаро во изминатите 3 години е во врвот на Мото2 класата, а во моментот се наоѓа на втората позиција во генералниот пласман. Она што ги натерало надлежните во Јамаха да се свртат кон Еспергаро секако се неговите досегашни резултати.

Тој дебитираше во 2006, возејќи седум трки, од кои на трката во Каталуња стана најмладиот возач во светот кој успеал да забележи бодови на една трка. Истата година тој беше прогласен и за Шампион на Шпанија во класата до 125цц. 

p espargaro

Првата сезона која ја возеше во целост беше 2007 кога го забележа и првиот подиум, а благодарение на одличните трки тој беше прогласен и за почетник на годината. Следната сезона неговите настапи беа уште по забележителни, но истовремено и беше сезона во која се здоби со скршеница на клучната коска. Веќе во 2009 тој ја забележа првата победа на патеката Индијанаполис, а сезоната ја заврши на четвртата позиција.

Во 2010 беше вклучен во битка за титулата со уште двајца возачи, Марк Маркез (кој на крајот ја освои титулата) и Нико Терол. Сезоната ја заврши на третата позиција, а тоа беше доволно за следната година да премине во Мото2 класата. Првата сезона во Мото2 ја заврши на 13-та позиција, со два подиуми, што требаше да биде добра основа за сезоната 2012. Така и беше, тој се приклучи на „Pons Racing“ тимот со кој забележа четири победи, осум пол позиции, и за жал втора позиција во генералниот пласман, веднаш зад Марк Маркез.

Marc-Marquez-Pol-Espargaro-Estoril ARAIMA20120506 0117 20Борбата помеѓу Еспергаро и Маркез ќе продолжи и во Кралската класа

Оваа сезона тој е сериозен претендент за титулата, веќе има три победи и пет подиуми, и се надева дека со шампионската круна ќе премине во Кралската класа.

Да потсетиме, Еспергаро доаѓа во тимот на Јамаха Теч3 на местото на Кал Крачлоу кој потпиша за тимот на Дукати.

 

comments

Би можело да ве интересира

Вицешампионот за сезоната 2017 во MotoGP шампионатот, Андреа Довициозо, вели дека мора да ги согледа позитивните работи како од трката која се возеше во неделата така и од неверојатно успешната сезона за него и за Ducati.

Иако е навистина невообичаен мотоцикл, сепак Moto Guzzi Stelvio има свои следбеници. Кога исчезна од линијата на Moto Guzzi, тој им недостасуваше на многумина.

Ако мислевте дека Honda CB1000R 2018 е добар мотоцикл, тогаш имаме интересна вест за вас. Honda Motor Europe на EICMA мото шоуто во Милано дебитираше со два мотоцикли: Honda CB125R и Honda CB300R.

Без никакво сомневање, Ducati Panigale V4 супербајк е најинтересниот мотоцикл објавен оваа година. Ова не е само наше мислење бидејќи тој беше официјално прогласен за крал на EICMA шоуто.

Honda ја прошири својата Africa Twin линија со уште еден модел. 2018 CRF1000L2 Adventure Sports беше претставен за време на EICMA мото шоуто, а заедно со него беше претставена и една посилна верзија на моделот.

Motul презентираше ново масло наменето за тркање, 300V²  10W-50, на најголемото мото шоу кое се одржа во Милано, EICMA.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!