MotoGP

Хонда демантира дека го брани Маркез „Не сме негови робови“

Ливио Супо, директорот на „HRC“ тимот на вчерашната прес конференција во Валенсија демантираше дека Хонда безусловно стои зад Маркез.

Следете нè на:

 

motogp valencia gp 2015 jorge lorenzo marc marquezИсториската трка во Валенсија која го одлучи шампионот за 2015 година

Ливио Супо, директорот на „HRC“ тимот на вчерашната прес конференција во Валенсија демантираше дека Хонда безусловно стои зад Маркез.

Откако заврши на втората позиција зад Лоренцо на последната трка од шампионатот, Марк Маркез беше обвинет од страна на Валентино Роси дека за време на трката се однесувал како телохранител на Лоренцо. Маркез се огради од обвинувањата, а веднаш потоа и тимот издаде соопштение во кое се вели дека нема никакви докази за тврдењето на „Докторот“.

За време на прес конференцијата на патеката Валенсија во средата Супо потврди дека Маркез има значително влијание во тимот, но потенцираше дека никогаш не би го поддржале доколку не бил во право.

„Во овој спорт возачите се нај важни, трката во неделата покажа колкава разлика има од врвните возачи до останатите. Ете погледнете ги резултатите од Валенсија, од „Вонземјаните“ до првиот „обичен“ возач (Довициозо на петтата позиција) има цели 25 секунди.

Ова значи дека ваков возач има големо влијание во тимот, но да кажеме дека Маркез е во право, тоа сигурно нема да биде затоа што тој го побарал тоа од нас. Доколку сметавме дека не е во право, јавно ќе му го кажевме тоа. Ние не сме негови робови, ние едноставно веруваме дека тоа што го кажа е вистина“.

„Мене ми е навистина жал за тоа што се случи во неделата, знам дека тој навистина сакаше да победи на трката и кога го видов на крајот во парк ферме видов дека е навистина разочаран. Тој е паметно момче, а треба да бидеш навистина глупав да го направиш намерно тоа што се случи во неделата. Ќе беше глупаво Маркез да не се обидеше да го помине Лоренцо доколку можеше, а на крајот и доколку успееше да го помине, Лоренцо ќе завршеше втор со ист број на бодови како Роси и повторно ќе беше шампион.“ - заврши Супо.

comments

Би можело да ве интересира

Алеш Еспаргаро го заврши првиот ден од тестовите во Австралија на изненадувачкото прво место откако на најдобар начин ги искористи временските услови на Филип Ајленд. На крајот Еспаргаро заврши со предност од 0.005 пред лидерот во шампионатот, Марк Маркез.

Honda Super Cub, кој беше создаден во Јапонија, ја отсликува пасијата на компанијата да им служи на луѓето ширум светот. Како резултат на ваквата политика, Super Cub серијата веќе долго време предизвикува задоволство кај луѓето од целиот свет и успеа да стигне до бројка од 100 милиони произведени примероци.

Сега сме во многу тешка ситуација, особено кога настапуваме на влажни услови. И на суви услови имаме проблеми но барем можеме да бидеме малку поконкурентни.

Бројот на претсезонските тестови во 2019 година ќе биде ограничен и ќе се оддржат само во Сепанг и во Катар пред започнувањето на сезоната.

BMW, Honda и Yamaha ги преземаат следните чекори во примената на паметната технологија.

Патеката во Херез на која ќе се оддржи трката од WSBK шампионатот ќе биде полна со возачи кои се на замена. Големиот број на повреди оваа сезона не ги погодија само регуларните возачи туку и нивните заменици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!