25
Пон, Сеп
MotoGP

Електрониката му помогна на Вињалес да се врати во трката

Местото на подиумот кое го освои Маверик Вињалес на трката која се оддржа во Велика Британија беше резултат на големите подобрувања на електрониката кои ги претрпе неговиот мотоцикл за време на минатонеделниот тест кој се оддржа во Мисано

Следете нè на:

 

Местото на подиумот кое го освои Маверик Вињалес на трката која се оддржа во Велика Британија беше резултат на големите подобрувања на електрониката кои ги претрпе неговиот мотоцикл за време на минатонеделниот тест кој се оддржа во Мисано, изјави Шпанецот веднаш по завршувањето на трката. Вињалес во поголемиот дел од трката се наоѓаше во горниот дел од групата возачи. Кон крајот на трката тој успеа да го претекне тимскиот колега Валентино Роси и на крајот да го освои второто место, што претставува негов најдобар резултат во изминативе шест трки. За Вињалес, оваа трка би можела да биде одлучувачка во неговата борба за титулата.

vinales elektronika

„Беше многу тешко но мислам дека добро поминавме на трката. Особено со електрониката, бевме навистина силни во тој дел. Мислам дека завршивме добра работа. Овој пат беме навистина брзи во последните неколку круга. И во следните неколку трки ќе се обидеме да бидеме компетитивни. Знам дека во последните кругови мојот мотоцикл беше навистина добар па затоа само се обидував да го оддржувам темпото и концентрацијата, а и да ги зачувам пневматиците за самиот крај на трката. Секако, и на почетокот можев да извозам добри кругови но така ќе ги оштетев пневматиците. Затоа се одлучив на поинаков пристап, да бидам побавен на почетокот и да притиснам кон крајот на трката.“

Тој беше толку задоволен од конечниот резултат на трката што на крајот не беше воопшто разочаран од фактот дека не успеа да му се приближи доволно на победникот Андреа Довициозо.

„Се приближував до Довициозо и дадов се од себе. Во последниот круг го имав постигнато моето најдобро време на трката. Но искрено, денеска, второто место беше најдоброто нешто што можевме да го постигнеме. Мораме да бидеме среќни што се движиме во вистинскиот правец.“

comments

Би можело да ве интересира

Нашиот мотоциклист Христијан Бузалковски викендов ќе настапи на 10-та трка од БМУ Европскиот шампионат во брзински мотоциклизам.

Марк Маркез имаше уште еден одличен настап на трката во Арагон и ја зголеми предноста во шампионатот на 16 поени. Иако на моменти изгледаше како да вози на самиот лимит, сепак во својот веќе препознатлив стил, во последните неколку круга успеа да стигне до нова победа.

Новата Honda Gold Wing 2018 долго време беше во развој, но неодамна објавеното промотивно видео ни потврди дека новиот мотоцикл ќе биде претставен оваа есен на саемот „EICMA“ во Милано на кој ќе присуствуваме.

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!