24
Нед, Сеп
MotoGP

Детали за новите правила во МотоГП

Гран При комисијата донесе неколку нови регулативи на последниот состанок кои се однесуваат на Дирекцијата на трката, односот на возачите и сензорите за притисок на гумите.

Следете нè на:

 

Како претседател на IRTA, Херв Пончарал е исто и член на Гран При комисијата и во ексклузивно интервју за motogp.com ги објасни неодамнешните промени во правилата.

pole espargaro herve poncharal.middleХерв Пончарал со Пол Еспергаро

Во однос на промената на Дирекцијата на трката:

„Промената се состои во тоа што Дирекцијата на трката ќе ја следи трката и ќе одлучува за работи како што се пребрзото возење кога се излегува или влегува во гаражата или кога е потребно жолто или црвено знаме. Но за секој инцидент каде што ќе биде потребна дополнителна анализа, како што беше минатата година на трката во Асен, последниот свиок во Херез или пак трката во Сепанг, ќе одлучуваат Мајк Веб и двајца стјуарди кои ќе бидат назначени од FIM во соработка со DORNA и IRTA. Тие ќе бидат стјуарди од FIM и сметам дека тоа е добар избор бидејќи Dorna секогаш добива голем број на критики. Мислам дека на Кармело Ецпелета и на останатите им е доста од сето тоа по сите реакции минатата година. Добра работа е дека ќе има три лица кои ќе одлучуваат независно без да има конфликт на интереси. Но мислам дека 98% од жалбите кои ги имавме минатата година беа неосновани. Мислам дека со оваа одлука ќе им се намали можноста на луѓето кои само сакаат да создаваат проблеми. Ние се движиме кон една организација која ќе биде повеќе независна и повеќе автономна и мислам дека затоа сите се сложија. Одлуката беше едногласна.“

За казните за возачите кои нема да ги исполнат обврските кон медиумите:

„MotoGP привлекува голем интерес. Многу луѓе ги посетуваат Гран При трките и ни се потребни спонзорите за да опстанеме, па затоа е нормално, со оглед на инвестицијата од спонзорите но и од гледачите кои често плаќаат повеќе за да бидат поблиску до гаражите и тимовите – сите да соработуваат за да приредат најдобра забава. Секако дека во нашиот спорт возачите се главните ѕвезди и тие мораат да разберат дека имаат обврска не само кон медиумите туку и кон гледачите и спонзорите. Гран При комисијата само сакаше да го појасни ова. Мислам дека секој по малку допринесува но понекогаш е добро да го имате тоа како договор. Знаеме дека не можеме да бараме премногу од нашите возачи, но мора да се даде нешто на луѓето кои не поддржуваат. Сето ова веќе постои но ние сакавме да го имаме на хартија. Тоа се однесува на сите возачи. Очигледно, колку поголем успех имате толку повеќе покани ќе добивате и ќе сакате на многу мал дел од нив да одговорите. Сакавме сите да ги потсетиме дека мораат да работат заедно за да ги исполнат очекувањата на гледачите, фановите, медиумите, спонзорите.“

За задолжителните сензори за притисок на гумите во MotoGP:

„Уште една работа која ја одлучивме со Гран При комисијата, и мило ми е поради тоа, е дека ќе имаме задолжителни сензори за притисок на задните гуми во MotoGP. Имавме технички проблеми во овој оддел, но некогаш проблемите може да ве одведат до добри работи. Среќен сум што Лорис Баз помина неповреден по падот, но тоа ни помогна да решиме одреден проблем. Мора да можеме постојано да го мериме притисокот на  гумите, а за да го сториме тоа потребни ни се сензори за притисок. Многу е важно да се зголеми безбедноста. Оваа одлука е многу важна и многу позитивна.“ 

comments

Би можело да ве интересира

Алекс Ринс ќе носи специјална розева кацига на трката која овој викенд ќе се оддржи во Арагон со цел да ја подигне свеста за ракот на градите. Не само што ќе носи таква боја во текот на викендот, туку Ринс побара и од своите фанови да се вклучат во акцијата и да ги поддржат неговите напори.

Лорис Баз потврди дека ќе се врати во Светскиот Супербајк шампионат во сезоната 2018 откако по три години поминати во премиерната класа во МотоГП го загуби своето место.

Ксавиер Симеон го комплетираше составот за 2018 година откако конечно потврди дека потпишал договор за да му се приклучи на тимот Reale Avintia. 

Викендов се вози 14-та трка од МотоГП шампионатот на патеката Арагон во Шпанија.

По минатогодишната успешна организација на големиот хуманитарен настан „Distinguished Gentleman’s Ride”,Скопје и оваа година ќе биде дел од истиот.

Возачите кои имаат постари мотоцикли знаат дека е многу тешко да се дојде до добри пневматици наменети за возење на тркачка патека бидејќи димензиите на бандашите на класините мотоцикли се различни со димензиите на добрите, модерни, тркачки пневматици.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!