23
Вто, Мај
MotoGP

Далиња: Точно знаеме што му треба на Лоренцо

„Мораме да подобриме некои делови на мотоциклот меѓу кој е и првиот допир со гаста“ – Џиџи Далиња

Следете нè на:

 

Генералниот менаџер на Ducati Corse, Џиџи Далиња, си замина од тестот кој се оддржа во Валенсија со јасна идеја во однос на промените што треба да се направат на мотоциклот на новиот возач на тимот, Хорхе Лоренцо.

Откако помина девет години во Yamaha, Лоренцо премина во тимот на Ducati и во вторникот и средата го оддржа својот прв тренинг за новиот тим.

На првиот тест Шпанецот заврши на третото место додека пак на вториот тест тој беше осми. Неговата замена во тимот на Yamaha, Маверик Вињалес, и двата дена беше побрз од него, а Андреа Довициозо беше најдобриот возач на Ducati.

 gp 0920 2.middle

„Задоволен сум од настапот на Хорхе. Забележавме некои добри работи на нашиот мотоцикл но и некои лоши. Вчера настапивме со мотоциклот од 2016 година. Денеска направивме споредба на стариот и новиот мотоцикл, а исто така тестиравме и некои различни материјали. Задоволен сум од неговиот настап. Времето по извозен круг може да биде подобро, но ако сакавме да постигнеме такво нешто, ќе работевме на поинаков начин. Затоа не ги направивме конкретните подготовки за тоа.“

„Во секој случај, имам јасна идеја за тоа што му треба и се надевам дека ќе му го овозможам тоа за следниот тест.“

На прашањето што Лоренцо сака да се подобри на мотоциклот, Далиња одговори: „Мораме да го подобриме вртењето. Исто така треба да се подобри и првиот допир со гаста.“

Иако Лоренцо настапи на тестот во Валенсија, тој нема да биде дел од приватниот тест кој ќе се оддржи во Херез. На патеката ќе се врати за првиот тест од новата сезона кој ќе се оддржи во Сепанг кон крајот на јануари.

„Хорхе е шампион. Тој има големо искуство и навистина сум среќен што ќе соработувам со него. Тој многу кратко возеше со новиот мотоцикл и треба подобро да се запознаеме, но тоа ќе го сториме за време на тестовите во Сепанг, Филип Ајленд и Катар.“

comments

Би можело да ве интересира

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Возењето на Супермото е можеби едно од најинтересните работи што можете да ги направите на две тркала. Мотоцикли за нерамен терен опремени со улични гуми, супермото нуди одлична услови за возење низ град како и можност за вежбање на вашата техника на некоја пониска платформа.

Конечно пристигнаа! КТМ ги претстави првите двотактни мотоцикли со директно вбризгување на горивото кои имаат EXC TPI (Transfer Port Injection)

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!