22
Вто, Авг
MotoGP

BMW наскоро ќе го видиме и во MotoGP

thumb_bmw-s1000rrПретседателот на BMW, Hendrik von Kuenheim, во својата изјава за motogp.com навестува дека Баварската фабрика наскоро ќе ја видиме во најдоброто светско мото натпреварување.

Следете нè на:

 
bmw-s1000rr

Претседателот на BMW, Hendrik von Kuenheim, во својата изјава за motogp.com навестува дека Баварската фабрика наскоро ќе ја видиме во најдоброто светско мото натпреварување. „Сеуште немаме освоена титула во Супербајк, но навистина сме блиску. Штом ја достигнеме таа цел, ќе се фокусираме на поголеми и подобри трки. МотоГП е најгледаниот и најпопуларен мото шампионат во светот, она што е Формула 1 за автомобилите, тоа е МотоГП за мотоциклите. Според ова, логично е да размислуваме дека следниот наш чекор би бил настап во МотоГП, едноставно тоа е следното скалило.“

BMW сепак нема на слепо да влезе во МотоГП, годинава преку Forward Racing CRT тимот ќе имаат свој агрегат. Од она што досега го видовме на тестирањата, „CRT“ тимовите нема да бидат репер во однос на фабричките тимови, но сепак ќе биде добра почетна точка за германскиот тим. Агрегат од S1000RR од Супербајк шампионатот ќе биде вградена во мотор кој ќе го вози ветеранот Колин Едвардс.

Од МотоГП прв се повлече тимот на Кавасаки, а минатата година „пензионирањето“ го објави и тимот на Сузуки, оставајќи само три фабрички тимови во игра - Јамаха, Хонда и Дукати. За тимовите кои се откажаа главен проблем беа финансиите, па Дорна се обидува да ги намали трошоците со цел да привлече тимови како БМВ но и да ги врати старите со што ќе се зголеми атрактивноста на трките.

Моделот S1000RR важи за крал на уличните трки, но дали ќе биде тоа така и во МотоГП останува да видиме. БМВ започна да се натпреварува во Супербајк шампионатот во 2009-та, а до сега има забележано шест подиуми и една пол позиција. За тимот на БМВ во Супербајк шампионатот возат Леон Хаслам и Марко Меландри.

comments

Би можело да ве интересира

Уште еден потпис на МотоГП возач за следната сезона, Карел Абрахам го продолжи договорот со тимот на Aspar.

Тимот на LCR Honda денеска соопшти дека од следната сезона ќе има двајца возачи, освен Кал Крачлоу за тимот ќе настапува и Такаки Накагами. 

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!