MotoGP

Aprilia за сезоната 2018: Разговараме со други возачи

Шефот на Aprilia, Романо Албесиано за Сем Ловс вели дека возачот ја има нивната целосна поддршка и дека се надева во иднина ќе биде подобар. Сепак, смета дека мора да бидат подготвени во случај тоа да не се случи.

Следете нè на:

 

Шефот на Aprilia, Романо Албесиано вели дека тимот прави планови за сезоната 2018 во случај актуелниот возач, Сем Ловс, да не покаже одредени подобрувања во следните неколку трки. Признава дека било разговарано со неколку возачи кои би можеле да го заземат неговото место.

Ловс  има договор со тимот за сезоните 2017 и 2018, но неодамна се појавија гласини дека неколку возачи би можеле да го преземат неговото место во тимот, а меѓу нив се најде и Италијанецот, Андреа Ианоне.

IMGP8218

Албесиано потврди дека тимот целосно стои зад 26 годишниот Ловс но призна дека очекува наскоро да се подобри неговата форма.

„Јасна е ситуацијата. Вложивме многу во Сем. Ние сме негови први поддржувачи и навистина се надевам дека во скоро време ќе покаже подобрување. Но во истовреме мораме да се подготвиме за следната сезона доколку тоа не се случи. Од таа причина разговараме и со други возачи,“ изјави Албесиано.

Што треба да направи Сем за да го задржи местото и во 2018 година? „Да покаже подобрување,“ одговори шефот на Aprilia.„Да покаже дека има напредок и тоа да се случи многу брзо.“ На прашањето дали тимот му има дадено рок до кога да се случи тоа, Албесиано само кратко одговори, не, нема конкретен датум.

Во саботата Ловс го изкажа своето незадоволство од начинот на кој тимот се справува со целата ситуација.

„Во гаражата се зборува за се што се случува и јасна ми е целата ситуација. Сепак, за мене тоа е речиси неверојатно. Шокиран сум и разочаран од некои од работите кои се случуваат. Моите резултати не се добри, но како дебитант на овој мотоцикл не сум многу добар. Тие не разбираат и тоа ми е многу чудно.“

Албесиано беше прашан и дали потпишување на договор со Италијански возач би претаставувало остварување на сонот. Неговиот одговор не даде целосна слика дали победникот на една трка од MotoGP шампионатот е меѓу возачите кои би можеле да пристигнат во тимот.

„Размислувам за разликата меѓу сонот и можноста. За нас она што е важно се перформансите на возачот. Ако е Италијанец тогаш би било добро но и да е од Сингапур не би претставувало никаков проблем.“

comments

Би можело да ве интересира

Индијците претставија концепт на хибриден крузер кој се надеваме дека ќе го видиме во продукциска фаза.

Живееме во време кога речиси сѐ можете да купите преку интернет, освен автомобили и мотоцикли. Но се чини дека ова второто наскоро ќе се промени откако Ducati најави дека подготвува специјален модел кој ќе може да се купи само преку интернет.

Ако сте личност која е позната по тоа што носи сомнителни одлуки и на располагање имате десетици илјади долари, тогаш ова е вашиот среќен ден.

Ренди Мамола ќе биде последното име кое ќе се најде на официјалната листа на MotoGP легенди.

Џастин Барсиа, кој во моментов се наоѓа на третата позиција во 2018 Monster Energy Суперкрос шампионатот потпиша договор со корпорацијата Yamaha Motor и ќе продолжи да вози за Monster Energy/Knich/Yamaha тимот и во останатиот дел од сезоната во Суперкрос шампионатот.

Уште откако почнав да следам МотоГП, постоеше силна врска меѓу Валентино Роси и Dainese. Деветкратниот светски шампион ја обожува нивната опрема, а бидејќи кацигите AGV се во сопственост на Dainese воопшто не не изненадува одлука за продолжување на одлуката, петта година по ред.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!