MotoGP

Ако Дукати не го одврзе ќесето, Довициозо се сели во Хонда или Сузуки

Според „AutoSport“, возачот на Дукати, Андреа Довициозо е во преговори со тимовите на Хонда и Сузуки.

Следете нè на:

 

Довициозо покажа фантастично возење минатата сезона кога беше во борба за титулата, на сметка на „ѕвездата“ во тимот Хорхе Лоренцо кој воопшто не се снајде со моторот и возеше под очекувањата.

IMGP7165

30-годишниот Италијанец минатата сезона првпат по една деценија ги предводеше Дукати во борба за титулата, со шест победи и со второ место зад Марк Маркез во Хонда, а минатиот викенд со победа во Катар ја започна новата сезона.

Довициозо премина во Дукати од Јамаха Теч3 тимот во 2013 година, се шпекулира дека има договор вреден околу 2 милиони евра, додека неговиот колега Хорхе Лоренцо го чини Дукати 12 милиони евра годишно. Италијанецот, чиј договор исто како тој на Лоренцо завршува на крајот на годината, сака добра понуда од својот тим и нема да се задоволи со статусот на подреден возач во моменти кога тој е водечката сила на тимот.

„Дови сака да почувствува дека го ценат. Тој нема да прифати изговори како сумата која треба да се одвои за неговиот колега“, вели извор близок на Италијанецот.

Во тимот на Јамаха нема место, откако тие ги продолжија договорите со Валентино Роси и Маверик Вињалес, но во Хонда ако местото на шампионот Марк Маркез е сигурно, тоа на Дани Педроза дефинитивно е разнишано. Довициозо ја почна кариерата со Хонда, возејќи во сателитскиот ЈиР тим во 2008 година.

Тука се и Сузуки, кои имаа тешка 2017, но по првичните тестови и трката во Катар, тие имаат ветувачки старт на сезоната, а и нема возачи со потпишан договор по крајот на сезоната.

Би можело да ве интересира

Изминатиов викенд во Берово се оддржа првата ендуро трка во организација на МК „Мото Велес“ и МФМА која се бодуваше за македонскиот Ендуро шампионат.

Викендов на патеката Серез во Грција ќе започне македонскиот шампионат во брзински мотоциклизам.

Piaggio ги најави новите MP3 модели меѓу кои се подобрените верзии на скутерите со зафатнина од 500cc како и целосно новите 350cc верзии.

Иако ова не беше најдобро чуваната тајна, сепак денеска и официјално ни стигна потврда дека по завршувањето на сезоната 2018 од Светскиот Супербајк Шампионат ќе заврши и  соработката помеѓу Том Сајкс и Kawasaki Racing.

Уште откако за прв пат беше споменета можноста Triumph да биде снабдувач со мотори во Moto2 шампионатот, почнаа да се појавуваат шпекулации во однос на тоа каков ќе биде планот на Британската компанија во секторот на спортски мотоцикли.

Ова решение би можело да промени многу од проблемите со кои се соочуваат електричните превозни средства.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!