Мотоцикли

Vespa Primavera: Враќање во иднината

Следете нè на:

 

Со насловот најлесно може да се опише новата Веспа, трета генерација на веспа со автоматски пренос која го интегрира изгледот од минатото со технологијата од иднината.


primavera-1Vespa Primavera 150 2014

Со насловот најдобро може да се опише новата Веспа, трета генерација на веспа со автоматски пренос која го интегрира изгледот од минатото со технологијата од иднината.

Она што во 1968 година го започна „Vespa“ веќе се наоѓа во историските книги за моторите. Италијанската икона е препознатлив бренд ширум светот, а од неодамна со засилено темпо се шири низ Азискиот континент. Впрочем на презентацијата на новиот модел „Primavera“ имавме ексклузивна можност да бидеме дел од малубројната екипа која се запозна со новата Веспа еден ден пред официјалната презентација на саемот „EICMA“ во Милано, заедно со претставниците на Веспа фабриката во Виетнам во која се произведуваат новите модели за Азија.

primavera-3Ќе биде достапна со агрегат од 50 и 150цц

Да се навратиме на новата „Primavera“. Моделот е поголем од неговиот претходник „LX“ кој веќе престана да се произведува. Иако во центиметри разликата не е голема, визуелно е видливо дека има промена во димензиите. Растојанието на седиштето и рачките за управување е зголемено, а со тоа има и повеќе простор за нозете на возачот, па повисоките веспаџии нема да имаат проблем со новиот модел.

Агрегатот кој се вградува во новата Веспа е со зафатнина од 49,9цц и 154,8цц, двата модели се четворотактни (за Европскиот пазар), а новата „Примавера“ е значително подобрена и вo технолошки аспект. Како што истакна и директорот на Веспа на презентацијата, „она што инженерите се потрудија да го направат е Веспа која во следните 10 години нема да има потреба да биде надградена, и модел кој ќе остане во историјата на брендот“.

За таа цел е направена нов агрегат кој функционира на принцип на стариот, но со подобрувања. Па така три-вентилскиот агрегат сега развива 9,5 киловати, а вбризгувањето на бензинот е преку системот „PFI“ (Port Fuel Injection). Одделот за развој на Веспа направил навистина одлична работа со суспензијата, новиот модел според зборовите на главниот инженер е подобрен во однос на претходникот до тој степен што воопшто и не се чувствуваат вибрациите при возењето.

Изгледот на новата Веспа Примавера е за респект, деталите како што се никлуваниот прстен околу предното светло, инструмент таблата која е во стилот на првата Веспа, и задницата која е неодолива го комплетираат она што го навестивме во насловот, нова технологија во пакување кои ќе ги воодушеви фановите на старата добра Веспа.

primavera-2Ексклузивни слики од новиот модел пред официјалната презентација на саемот „EICMA“ во Милано

Новиот модел ќе биде достапен во 6 бои (Азурно сина, црвена, кафена, бела, црна и тегет), а цената се очекува да биде малку по висока од онаа на „LX“ моделот. Овластен увозник за Веспа и целата Пијаџо групација за Македонија е фирмата Динамикс од Скопје.

Повеќе фотографии од моделот ќе објавиме во текот на утрешниот ден, кога ќе биде и официјалното претставување на новата Веспа.

 

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!