Мотоцикли

Објавени фотографии од новиот модел на Honda Gold Wing 2018

Новата Honda Gold Wing 2018 долго време беше во развој, но неодамна објавеното промотивно видео ни потврди дека новиот мотоцикл ќе биде претставен оваа есен на саемот „EICMA“ во Милано на кој ќе присуствуваме.

Следете нè на:

 

Новата Honda Gold Wing 2018 долго време беше во развој, но неодамна објавеното промотивно видео ни потврди дека новиот мотоцикл ќе биде претставен оваа есен на саемот „EICMA“ во Милано на кој ќе присуствуваме.

Но и пред Honda и официјално да ни го претстави мотоциклот, на интернет веќе се појавија фотографии од него, комплетно претставувајќи ни го секој негов дел како и замената за неговата сестринска верзија, F6B.

Goldwing bagger 03

Иако препознатлив како „Wing“, новиот мотоцикл радикално отстапува од веќе постоечкиот модел. Прво нешто што остава впечаток е дека новиот мотоцикл е значително полесен од актуелната верзија. Со отстранувањето на некои додатоци, мотоциклот доби многу поостар изглед кој најверојатно ќе и се допадне на помладата и технолошки фокусирана популација.

Goldwing bagger 06

Ако погледнете под неговиот оклоп, не можете а да не забележите дека тој нема класична вилушка. Веќе знаевме дека новиот мотоцикл планира да ја отстрани класичната вилушка и да ја замени со нова наречена „hub-centre steered“ - но бидејќи Honda патентираше неколку верзии се до овој момент не знаевме која опција ќе ја одберат.

Goldwing bagger 05

Но сликите јасно покажуваат дека победник е почистиот дизајн кој изгледа како голема велосипедска вилушка која е поврзана со главниот дел на тркалото.

Goldwing bagger 04

Иако ова е далеку од технологијата на „Tesla“, сепак претставува значителен чекор напред. Покрај тоа што ги оддржува аналогните опции за брзина и број на вртежи, исто така има и три помали LCD екрани на кои се прикажани основните информации. Овој мотоцикл исто така има и можност да се запали без да се употребува клуч, греачи на седиштата и рачките, контрола на патувањето, а големиот TFT екран поддржува сателитска навигација.

Goldwing bagger 07

Од сликите можеме да видиме и дека новиот „Gold Wing“ ќе може да го има и DCT менувачот на Honda. Иако на неколку слики може да се забележи кумплугот, на дел од сликите сепак го нема.

Повеќе детали за новите модели како и нивната цена очекуваме да бидат соопштени на мото шоуто во Милано кое ќе се оддржи на почетокот на ноември.

Goldwing bagger 01

Најважни работи

-Два нови модели на „Gold Wing“

-Комплетно нова шасија и суспензија

-Електронска суспензија

-DTC менувач

Би можело да ве интересира

Како што можете да забележите по огласите за продажба на мотоцикли, возраста се повеќе ги принудува возачите засекогаш да се откажат од своите мотоцикли.

Во Хонда салонот на Макпетрол пристигна новиот Honda CB125R 2018.

Организаторите на релито Дакар само што ги соопштија нивните првични планови за 2019 година. Следната сезона, оваа исклучително тешка трка ќе се оддржи само во една држава: Перу.

MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.

Патеката Ле Ман во Франција беше домаќин на петтата трка до МотоГП шампионатот. Марк Маркез уште еднаш го потврди својот авторитет откако победи со предност од 2.31 секунда пред второпласираниот Петручи.

Дукати го обезбеди потписот на Довициозо, но сѐ уште не е познато кој ќе биде негов тимски колега.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!