Мотоцикли

Ново BMW S1000RR во 2019

Не би ја нарекол најлошо чуваната тајна во мото индустријата во моментов, но фактот дека BMW ќе го претстави на пазарот новиот S1000RR како модел за сезоната 2019, не е некоја нова информација.

Следете нè на:

 

Всушност, мислевме дека мотоциклот ќе го видиме уште минатата сезоната откако се појавија фотографии од него, а според кои можеше да се забележи дека мотоциклот е подготвен за производство. Но,откако не се појави на мото шоуто EICMA,  временскиот период кога требаше да го очекуваме мотоциклот се промени.

2018 bmw s1000rr

Сега ја добивме потврдата која што и ја очекувавме. Шефот на Althea Racing, Џенесио Бевилаквиа потврди дека новиот BMW S1000RR ќе се најде на пазарот во сезоната 2019. Во интервју за GPOne, Бевилаквиа изјави дека мотоциклот ќе се појави во истиот период кога почнува и Светскиот Супербајк шампионат. Ова го става под прашање продолжувањето на користењето на тркачката платформа на BMW S1000RR од страна на Althea Racing.  

Изграден врз основа на актуелниот дизајн, се уште нема многу детали за BMW S1000RR 2019. Се што можеме да дознаеме е од гледањето на неколкуте фотографии кои се појавија од него.

Но нашите извори ни открија една интересна информација. 2019 BMW S1000RR ќе користи „counter-rotating crankshaft“, што го прави еден од неколкуте спортски мотоцикли кои имаат тркачка конфигурација на моторот. Ова би требало да го направи мотоциклот побрз, бидејќи се неутрализира инерцијата која ја прават тркалата, ланецот и другите подвижни делови. Други додатоци кои можеме да ги очекуваме се пософистицирана електроника како и дополнителна моќност која доаѓа од 999cc inline-four моторот.

Најверојатно нема да дознаеме повеќе информации се до оддржувањето на INTERMOT шоуто кое е закажано за во октомври или пак за времена EICMA мото шоуто кое се оддржува во Ноември. Ние ќе ги посетиме двата саеми оваа година, но доколку дознаеме нешто ново порано, веднаш ќе ве известиме.

Би можело да ве интересира

Можеме да ја разбереме поентата на автомобилите кои сами се движат. Мислам дека сите би сакале да можат да го преспијат патот од работа до дома или пак да прочитаат некоја книга за тоа време. Но мотоциклите се малку поинакви.

Се појавија нови информации за авантуристичкиот модел V85 TT на Moto Guzzi, а според сликите што можеме да ги видиме на нивната интернет страна, се чини дека ова е конечната верзија.

Пред нас е 10-та рунда од Светскиот Супербајк шампионат која викендов се вози на патеката Портимао во Португалија.

Ова беше една страшна седмица за Романо Фенати. Во неделата, 9-ти Септември 2018 година, за време на Гран При трката во Сан Марино, при брзина од 200 километри на час тој ја притисна сопирачката на неговиот ривал, Стефано Манци.

После неколку години живот во сенка на далеку попознатата Sons of Anarchy, Mayans MC конечно го добива своето место под сонцето.

Ducati ја претстави последната верзија на Scrambler Icon кој сега има нов електронски пакет како и мали промени во дизајнот.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!