Мотоцикли

Новитет: Honda SH125 Mode

Наскоро пристигнува новиот модел на популарниот скутер од Хонда со ознаката SH, овојпат наречен SH125 Mode.

Следете нè на:

 

honda-sh125-scoopy-mode-09Новиот Honda SH125 Mode 2014 наскоро во Македонија

Наскоро пристигнува новиот модел на популарниот скутер од Хонда со ознаката SH, овојпат наречен SH125 Mode.

Првиот скутер кој ја носеше ознаката SH беше претставен во далечната 1984 година, и во тоа време имаше зафатнина од 50cm3. Се покажа како исклучително издржлив и корисен скутер, па така од тогаш до денеска SH семејството се избори за голем статус во Хонда фамилијата благодарение на повеќе од 1 милион продадени примероци.

SH стана бренд во големиот бренд, а како позначајни години во развојот се издвојува 2001 година кога беше претставен првиот четворотактен SH125, потоа следуваше моделот со „PGM-FI“ вбризгување на гориво во 2005-та година, и секако 2013 година кога беше претставен комплетно новиот модел. Почнувајќи од рамот, преку новата технологија за заштеда на гориво, па дури и просторот под седиштето беше зголемен за да собере целосна кацига.

Оваа година семејството на SH се прошира за уште еден член, тоа е новиот SH 125 Mode.

honda-sh125-scoopy-mode-02Honda SH125 Mode 2014, достапен по цена од 2790 евра

Се карактеризира со исправена положба на седење, ниско седиште, одлични возни перформанси, и изглед кој привлекува погледи кога е паркиран, но и кога го возите.

Скутерот доаѓа со CBS системот за кочење како стандардна опрема, додека пак самиот агрегат е оптимизиран за поаѓање така што добивате одличен старт, а намалена потрошувачка. Моторот со зафатнина од 125cm3 развива 11кс кои се и повеќе од доволни за возбудливи но економично возење.

Го споменавме економичното возење неколку пати, па да видиме како изгледа тоа изразено низ бројки. Резервоарот е со зафатнина од 5,5 литри, а со полн резервоар можете да поминете приближно 275км. Или поинаку кажано, со вклучен „Idling Stop“ систем, просечната потрошувачката на скутерот е 2 литри на 100км!

Четворотактниот агрегат со водено ладење ја постигнува малата потрошувачка благодарение на eSP (enhanced Smart Power) технологијата која се грижи за максимални перформанси со минимална потрошувачка. Секако тука е и „Idling Stop“ модот кој го гаси автоматски скутерот на секое застанување што помага за неверојатно ниската потрошувачка.

honda-sh125-scoopy-mode-20Одличен изглед на инструмент таблата

Увозникот на Хонда за Македонија, Макпетрол, најави дека наскоро ќе пристигне новиот модел во нивниот салон и дека ќе биде достапен за цена од 2790 евра. Со нетрпение го очекуваме овој убавец бидејќи ќе имаме прилика да направиме и тест возење па потоа да ви ги пренесеме впечатоците од прва рака.

 

comments

Би можело да ве интересира

Видеото започнува со претставување на производите на Kawasaki, односно едно лице како вози спортски модел во тунел. Но кога возачот излегува од тунелот, тој го вози концептот Ј.

Се огласи и производителот на сопирачките Брембо заради кој Априлија и Дукати најавија повлекување и бесплатна замена на главниот кочионен цилиндер кај поновите модели.

Дукати е првиот фабрички производител во МотоГП кој го претстави моторот со кој ќе се натпреваруваат Хорхе Лоренцо и Андреа Довициозо оваа сезона.

Новото правило со себе носи и голем број на услови кои мора да бидат исполнети. На пример, воздушното перниче задолжително мора да ги штити рамото и клучната коска, а заштитата на грбот не е задолжителна. 

Со оглед на тоа дека се влошува временската состојба, беше донесена одлука да се одложи деветата етапа, а тимовите да се префрлат во следниот камп кој се наоѓа во Салта, Аргентина.

Сем Сандерленд заздравува од повредата поради која мораше да се повлече од релито Дакар и веќе во текот на денешниот ден се очекува да се врати во Европа.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!