18
Пет, Авг
Мотоцикли

Новата Yamaha YZF-R6 ќе дебитира оваа година?

Првите гласини ни пристигнаа од Јапонија ,каде што магазинот „Young Machines“ објави слика од моделот за кој се верува дека е R6 за сезоната 2017.

Следете нè на:

 

Да се каже дека на Yamaha R6 и треба некаква промена можеби претставува потценување на самиот мотоцикл, но се чини дека компанијата од Ивата конечно планира да промени нешто на оваа суперспорт машина. Првите гласини ни пристигнаа од Јапонија ,каде што магазинот „Young Machines“ објави слика од моделот за кој се верува дека е R6 за сезоната 2017.

yamaha yzf r6 2017Дали новата R6 ќе наликува на R1?

Овој магазин бил во право за некои работи, но тешко е да се верува дека Yamaha  би го искористиле дизајнот на YZF-R1 за новиот R6.  Но она што е најважно, е тоа дека моделот R6 ќе добие подобрена верзија.

Сликата повеќе личи на R1 со додатоци од актуелниот модел R6, со карактеристичната дијагонална линија која се протега од светлата до средината на мотоциклот.  Во однос на остатокот, виртуелниот R6 е многу сличен со неговиот поголем брат, а во дизајнот е вклучено и двојното светло од моделот R1.

Иако се уште е рано да се каже било што за R6, ние само би кажале дека таквиот пристап не би бил добар. Да се има два мотоцикли кои изгледаат исто воопшто не е добра опција и се надеваме дека Yamaha ќе го направи новиот мотоцикл R6 различен од моделот R1, исто како во старите добри времиња.

Гласините велат дека малку е веројатно Yamaha да направи суперспорт мотоцикл со поголема зафатнина и покрај таквиот тренд во индустријата во моментов. Се чини дека компанијата од Ивата е задоволна со како се покажува мотоциклот на натпреварите ширум светот и преферира да остане во зоната од 600cc.  

 

comments

Би можело да ве интересира

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Како и што се очекуваше, стигна официјална потврда дека Џек Милер ќе ја напушти Honda и од 2018 година ќе настапува за Pramac Ducati.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!