Мотоцикли

Ninja ZX-10R доби електронска суспензија

За време на EICMA 2017, Kawasaki објави софистицирана надградба на Ninja ZX-10, односно, моделот доби електронски контролирана суспензија.

Следете нè на:

 

Надополнувајќи ги ZX-10R  и ZX-10RR, Ninja ZX-10R SE е нов, високо квалитетен додаток на литарската класа на спортски мотоцикли.

„Благодарение на електронската, полу активна суспензија, мотоциклот нуди ниво на удобност кое прави да заборавите дека возите мотоцикл кој има суспензија подготвена за тркање. Извонредната амортизација прави да се чувствувате сигурно и дополнително ја зголемува леснотијата при возењето.“

zx2 770x578

Иако електронската суспензија веќе постои неколку години кај тркачките мотоцикли и кај поскапите автомобили, Kawasaki е првиот производител кој ваквата опција ја нуди на пазарот за мотоцикли. Таа се состои од „Showa Balance Free Fork “ напред, а позади имате „BFRC Lite shock“  којa има речиси истата конструкција како и тркачката машина на Kawasaki во Светскиот Супербајк шампионат, Ninja ZX-10RR. Покрај ова, вграден е и систем од сензори за удар.

zx4 770x578

„Преку информациите кои се добиваат од сензорите како и податоците од самата машина, како што се забрзувањето и забавувањето, ZX-10R SE ги инкорпорира ECU со „inertia measurement unit (IMU)“ со цел да обезбеди брза реакција и стабилно возење при едно од трите сетизи: улично возење, тркачка патека и мануелни сетинзи“, се наведува во официјалното соопштение на Kawasaki.

Од компанијата тврдат дека системот реагира за неколку милисекунди што ја прави реакцијата на предната и задната суспензија речиси моментална. Ова значи и дека суспензијата постојано се прилагодува во однос на условите на патот.

zx3 770x513

Ninja ZX-10R SE исто така има и специјални алуминиумски „Marchesini “ бандаши, доаѓа во црна мат боја со специјални зелени нијанси и „Kawasaki Quick Shifter“ за подобро спортско возење.

„Ова преставува значителен чекор напред за нас во однос на технологијата за суспензија и сметаме дека овој систем е најсовремен во однос на неговиот дизајн и функционирање,“ изјави Морихиро Икома, директор на Kawasaki за Европа. „Комбинирањето на информации од Светскиот Супербајк шампионат заедно  со оваа технологија ни помогна да создадеме машина која сигурно ќе им се допадне на сите фанови на Ninja ZX-10R.“

Би можело да ве интересира

Можеме да ја разбереме поентата на автомобилите кои сами се движат. Мислам дека сите би сакале да можат да го преспијат патот од работа до дома или пак да прочитаат некоја книга за тоа време. Но мотоциклите се малку поинакви.

Се појавија нови информации за авантуристичкиот модел V85 TT на Moto Guzzi, а според сликите што можеме да ги видиме на нивната интернет страна, се чини дека ова е конечната верзија.

Пред нас е 10-та рунда од Светскиот Супербајк шампионат која викендов се вози на патеката Портимао во Португалија.

Ова беше една страшна седмица за Романо Фенати. Во неделата, 9-ти Септември 2018 година, за време на Гран При трката во Сан Марино, при брзина од 200 километри на час тој ја притисна сопирачката на неговиот ривал, Стефано Манци.

После неколку години живот во сенка на далеку попознатата Sons of Anarchy, Mayans MC конечно го добива своето место под сонцето.

Ducati ја претстави последната верзија на Scrambler Icon кој сега има нов електронски пакет како и мали промени во дизајнот.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!