Мотоцикли

Мотоцикли кои со нетрпение очекуваме да ги видиме во 2018

Никој не беше фан на новите Euro 4 регулации, но тоа значи дека следната година не очекуваат голем број на нови мотоцикли.

Следете нè на:

 

2017 година ќе биде тешка година за да се следи, но сепак производителите повторно успеаа да ги надминат очекувањата откако ги објавија дел од машините за кои мора да признаеме дека се фантастични.

Ducati Panigale V4

Во 2018 нема да има голем број на нови спортски мотоцикли но сепак Ducati ќе не почести со нов Panigale V4. Сум ги возел сите V-twin Panigale модели на тркачка патека и слободно можам да кажам дека се одлични. Се сомневам дека некои од неговите ривали ќе успеат да му се приближат, како на тркачките патеки така и на улица.

eicma 2017 1 107Ducati Panigale V4

Kawasaki H2 SX

Новиот H2 SX, би требало да преставува значајна промена за компанијата. Во духот на стариот ZZ-R, тој ветува дека ќе биде одличен туринг мотоцикл. Позицијата на возење е навистина удобна, а ветробранското стакло е доволно големо за да ве заштити. Покрај тоа има голем број на електронски додатоци кои ветуваат дека овој модел сигурно ќе биде еден од мотоциклите на годината.

eicma 2017 1 80Kawasaki H2 SX

Honda Gold Wing

Навистина сум возбуден поради новата Honda Gold Wing. Тој не ми е омилен мотоцикл и е прилично стар, но секогаш сме среќни кога возиме ваков мотоцикл и тоа мора да се почитува. Нема да ве оптеретувам со детали, но верувајте дека овој мотоцикл ќе ви понуди максимална луксузност.

eicma 2017 2 131Honda Gold Wing 2018

Kawasaki Z900RS Café Racer

Навистина со нетрпение очекувам да го видам Kawasaki Z900RS Café Racer. Не ми се допаѓа премногу ретро стилот но сепак овој мотоцикл има нешто што го привлече моето внимание. Малиот екран и прекрасната зелена боја комбинирана со белите линии му дава посебен изглед на овој мотоцикл. Главниот тест возач на MCN, Мајкл Невс, веќе го проба стандардниот Z900RS и беше импресиониран.

eicma 2017 1 89 copyKawasaki Z900RS Café Racer

KTM 790 Duke

Овој „parallel-twin” КТМ без сомнение е најдобриот мотоцикл кој ќе се појави во 2018 година според мене. Во 2012 година го тестирав 690 Duke и се заљубив во комбинацијата меѓу тежината на мотоциклот и неговата моќност. Очекувам 790 да биде уште подобар и попрактичен пред се поради поголемиот мотор.

duke 790 2018KTM 790 Duke

BMW F850GS

Буквално, не можам да ја скријам насмевката поради овој мотоцикл. Во 2016 година, F800GS го смени моето мислење за мотоциклизмот на подобро и сега не можам да дочекам да се качам на него. Новиот F800GS има нов мотор, а со претходната верзија ја дели само неговата намена за оф роуд возење како и 21 инчното тркало. Подобрениот режим на возење, TFT екранот, суспензијата и шасија ветуваат забавно возење како на асфалт така и на оф роуд патека.

eicma 2017 1 42BMW F850GS

Yamaha Niken

Без никакво сомневање, ова е мотоциклот за кој со нетрпение чекам да го слушнам првиот фидбек. И претходно имам возено вакви мотоцикли но ниту еден од нив не бил со толкава агилност и моќност како овој модел. Свесен сум дека ова е радикално отстапување од она што е вообичаено и дека сигурно ќе има лица на кои нема да им се допадне.

eicma 2017 2 248Yamaha Niken

KTM 790 Adventure

Знам дека нема да биде продукциски мотоцикл наскоро, но тој ќе се појави и навистина сум возбуден поради тоа. Уште од моментот кога за прв пат ги видив фотографиите од овој модел па се до прототип верзијата која се појави на EICMA 2017, ниту еден друг мотоцикл не ми го привлече вниманието толку многу колку KTM 790 Adventure.

ktm 790 adventure rKTM 790 Adventure

Ducati 959 Panigale Corse

И покрај целата возбуда околу новиот V4 Panigale, овој модел би можел да биде најсовршениот и балансиран Ducati.

ducati panigale 959 corseDucati 959 Panigale Corse

Извор: MCN

comments

Би можело да ве интересира

Покрај рекордната продажба во САД која ја објавија минатата недела, BMW соопшти дека успеале да го надминат и рекордот на компанијата на глобалнот пазар, откако во 2017 година успеаа да продадат 164.153 мотоцикли. 

И покрај намалената целокупна продажба на мотоцикли на пазарот, Ducati имаше раст во продажбата и поголеми бројки во 2017 година

Уште еден драматичен ден на релито Дакар. Поранешниот лидер во генералниот пласман, Адриен Ван Беверен мораше да биде евакуран од етапата после тешкиот судар кој го имаше на само 3 километри до целната линија.

Возачот на Јамаха Теч 3 тимот, Јонас Фолгер, преку својот менаџер денеска го извести тимот дека нема да настапува на овогодинешниот МотоГП шампионат.

Правилникот според кој техничкиот директор на MotoGP, Дени Олдриџ, одлучува во однос на легалноста на аеродинамичните крилца нема да се промени во 2018 година.

Ducati ги следи Франко Морбидели и Франческо Бањаиа, двајца од најпросперитетните Италијански возачи во моментов, како и Светскиот шампион во Moto3 Јоан Мир.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!