Се појавија нови информации за авантуристичкиот модел V85 TT на Moto Guzzi, а според сликите што можеме да ги видиме на нивната интернет страна, се чини дека ова е конечната верзија.

Тој ќе има моќност од 80 коњски сили, малку повеќе од тоа што очекувавме да има 850cc V-twin моторот.

Една слика од таблата ни ги открива режимите на возење, можноста да се приклучи телефон, GPS. Засега сѐ уште не е позната неговата цена ниту пак кога ќе биде достапен на пазарот, но штом ќе дознаеме веднаш ќе ве информираме.

Претставен како концепт минатата година за време на EICMA во Милано, од компанијата тврдеа дека мотоциклот ќе биде комплетно нов и ќе го означи враќањето на компанијата во овој сегмент.

Од Guzzi велат за оваа машина дека е „Класичен Ендуро“, односно комбинација на оф-роуд можности и класичен Moto Guzzi дизајн. Иако не можеме тоа да го видиме на овие фотографии, сепак тој ги има карактеристичните двојни предни светла и резервоар.

Она што го држи новиот мотор е челична рамка која ќе работи заедно со асиметричната задна вилушка. Внатре ќе биде и амортизерот како и транасмисијата.

Од компанијата велат и дека сега ќе биде многу послено да се пристапи и да се прилагоди  системот на задната суспензија, а исто така ќе има и поголем простор за издувот. 

Конечната верзија на овој модел ќе ја видиме на саемот за мотори ЕИЦМА во Милано каде ќе добиеме и повеќе информации за него.