23
Нед, Јул
Мотоцикли

Ducati Superleggera 1199

На еден ден пред почетокот на саемот „EICMA“ во Милано, Дукати го претстави новиот Panigale, 1199 Superleggera.

Следете нè на:

 

panigale-superleggera-1Чудото од машинерија ќе биде достапно за само 500 среќници

На еден ден пред почетокот на саемот „EICMA“ во Милано, Дукати го претстави новиот Panigale, 1199 Superleggera.

На прес конференцијата на која имавме можност да присуствуваме, директорот на Дукати, г-н Клаудио Доменикали пред присутните го најави новото чудо од мотор од ергелата на Дукати. Новиот V-Twin агрегат е подобрен во однос на неговиот претходник во неколку полиња, а дека не станува збор за обичен мотор говори и фактот дека ќе биде произведен во само 500 примероци.

Моторот со зафатнина од 1199цц ќе развива повеќе од 200кс, но она што е импресивно е тежината на моторот, која со вклучено масло и вода во системот за ладење изнесува само 166кг! Ова се должи на целосната реконструкција на деловите од Панигале-то, па така на пример целиот заден рам е изработена од карбон и тежи само 900 грама (1.2кг помалку од онаа на Panigale 1199R). Меѓу работите кои се подобрени се новите вентили, олеснета радилица, клипови, карики, нов сензор за менувачот, па дури и нов филтер за воздух кој ја подобрува работата на моторот.

panigale-superleggera-2Danigale Superleggera 1199

Колку за илустрација, со новото Панигале е поставен нов рекорд на патеката Муџело во Италија за мотори кои излегуваат од фабрика. Новото време е за цели 4 (четири) секунди подобро од претходното.

Во продолжение на прес конференцијата Доменикали се осврна и на слабите резултати во МотоГП сезонава, но истакна дека е машки да се признае грешката и дека тие не го кријат тоа, туку напротив ги анализираат детално пропустите и работат на нивно отстранување. Тој потенцираше дека следната година со Крачлоу и Довициозо во тимот ќе се надеваат на подобри резултати но не би можел да го прогнозира исходот во шампионатот.

Мотори.ком.мк ексклузивно од Милано, благодарение на соработката со Динамикс.

 

comments

Би можело да ве интересира

А2 мотоциклите се мостот за оние возачи кои не сакаат повеќе да возат мотоцикли со зафатнина од 125cc но кои се уште не можат да возат мотоцикли од А категорија.

Полицијата од Јужен Шилдс се обдува да го спречи антисоцијалното однесување од страна на мотоциклистите со помош на дронови, а цел на дронот се возачите за кои имаат информации дека возат невнимателно.

Кога сакате да се возите со некој пријател но не сакате тој да седи заедно со вас на мотоциклот, или пак кога треба да пренесете голем број на работи, тогаш страничната приколка за мотоцикл е токму она што ви треба. Погледнете ги овие пет навистина интересни приколки.

Suzuki Gixxer купот ја започна својата трета сезона, како и секогаш со несебична поддршка од страна на Motul. Од 7-ми до 9-ти јули на патеката Кари во Коимбаторе (Индија), посетителите имаа можност да уживаат во новите аспекти кои ги воведоа организаторите со цел уште повеќе да го подобрат концептот на натпреварувањето.

Уште еден дел од сложувалката за 2018 година си дојде на свое место. Во понеделникот, Aspar потврди дека Алваро Баутиста го продолжи договорот и ќе остане дел од тимот и во 2018 година.

MotoGP мотоциклите во последниот период станаа неверојатно комплицирани и на рачките има голем број на копчиња за контрола на возењето. Но Скот Рединг од тимот на Pramac Ducati ќе ни го објасни значењето на секое од нив посебно.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!