Целосно освежување на GS моделите од F серијата најави BMW Motorrad оваа недела. Целта, како што велат од компанијата, е трансформација на овие 11 години стари мотоцикли во нешто ново што ќе може да се вози по секаков терен.
Целосно освежување на GS моделите од F серијата најави BMW Motorrad оваа недела. Целта, како што велат од компанијата, е трансформација на овие 11 години стари мотоцикли во нешто ново што ќе може да се вози по секаков терен.
Серијата за 2018 година, кој е претставена од F 750 GS и F 850 GS ќе го користи новиот дво цилиндричен мотор кој е креиран за да обезбеди поголема моќност како и број на вртежи. Моторот, кој има зафатнина од 853 cc кај верзијата 750 GS, има 77 коњски сили при 7,500 rpm додека пак кај моделот 850 GS тоа изнесува 95 коњски сили при 8,250 rpm.
Како и кај сите мотоцикли, звукот кој се создава игра голема улога, а од компанијата ветуваат дека мотоциклите ќе имаат многу моќен звук. Покрај новите мотори, моделите од F серијата имаат и нова челична рамка, а резервоарот за гориво е сместен помеѓу седиштето и рачките за возење. Исто така има и нова телескопска вилушка.
Како стандарден дел на новата серија ќе дојдат и неколку уреди кои ја зголемуваат безбедност меѓу кои се ABS сопирачките како и режимите за возење на суви и влажни услови. Возачите ќе можат да одберат доколку сакаат да ја прилагодат електронската суспензија, а исто така има и 6.5 инчен TFT екран.
„F 750 GS е наменет за сите возачи кои преферираат концептуален дизајн на ендуро мотоцикл комбиниран со ниска позиција на седиштето, голема моќност и висока ефикасност,“ велат од BMW.
„Спротивно на ова, новиот F 850 GS, покрај тоа што нуди поголема моќност и број на вртежи, има многу поспецифични туринг карактеристики како и супериорни туринг можности.“
Во моментов сѐ уште не е позната цената на новите модели, а наскоро очекуваме информација од увозникот за БМВ мотоцикли во Македонија, Динамикс.