MK мотоциклисти на меѓународни трки

Зизи како подготовка за Источно Европско, ќе вози Српско првенство

Нашиот најдобар тркач во класата SBKS 600 на Источно Европскиот шампионат во брзински мотоциклизам, Игор Спиров - Зизи, се подготвува за следната сезона.

Следете нè на:

 

475050 10201036084805023 286256336 oИгор Спиров - Зизи

Најдобар успех за Спиров на Источно Европскиот шампионат е освоеното четврто место во генералниот пласман минатата година

Нашиот најдобар тркач во класата SBKS 600 на Источно Европскиот шампионат во брзински мотоциклизам, Игор Спиров - Зизи, се подготвува за следната сезона. Но наместо вообичаените подготовки односно подготовката за настап во домашниот шампионат, Спиров се подготвува за настап во Српскиот шампионат во брзински мотоциклизам.

Причината за ова е едноставна, во Македонија не се организираат трки во брзински мотоциклизам заради немање на соодветна патека. Па така нашите натпреварувачи кои настапуваат на Источно Европскиот шампионат трошат големи финансиски средства за подготовки надвор од земјава за потоа да покажат солидни резултати.

Како за пример, Зизи минатата година беше четврти во генералниот пласман, но немањето константи тренинзи кои би биле изразени преку трки во домашното првенство оваа сезона го симнаа две места подолу. Во годинешното рангирање удел имаше и зголемената конкуренција, минатата сезона во класата SBKS 600 се натпреваруваа 38 возачи, а оваа сезона 55. Гледано од тој аспект тој остварил послаб успех во генералниот пласман, но бил подобар во однос на зголемената конкуренција. Сето ова е постигнато со возење на трки само во Источно Европскиот шампионат, а кога би возел и дополнителни трки како подготовки сигурни сме дека ќе покаже подобри резултати.

Се надеваме дека надлежните ќе ја актуелизираат потребата од изградба на патека за трки со брзински мотори, а на Зизи му посакуваме многу среќа и успех како во српскиот шампионат, така и во настапите на Источно Европското првенство.

 

Би можело да ве интересира

Како што можете да забележите по огласите за продажба на мотоцикли, возраста се повеќе ги принудува возачите засекогаш да се откажат од своите мотоцикли.

Во Хонда салонот на Макпетрол пристигна новиот Honda CB125R 2018.

Организаторите на релито Дакар само што ги соопштија нивните првични планови за 2019 година. Следната сезона, оваа исклучително тешка трка ќе се оддржи само во една држава: Перу.

MV Agusta по пауза од 40 години повторно ќе биде дел од Гран При трките. Легендарната Италијанска компанија од 2019 година ќе биде дел од Moto2 серијата.

Патеката Ле Ман во Франција беше домаќин на петтата трка до МотоГП шампионатот. Марк Маркез уште еднаш го потврди својот авторитет откако победи со предност од 2.31 секунда пред второпласираниот Петручи.

Дукати го обезбеди потписот на Довициозо, но сѐ уште не е познато кој ќе биде негов тимски колега.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!