19
Саб, Авг
MK мотоциклисти на меѓународни трки

Успешна подготовка за нашите кросисти на трката во Грција

Во конкуренција од 20 натпреварувачи, на патеката Каротица во Грција (пред Солун) нашите натпреварувачи имаа задоволителна подготовка пред почетокот на Источно Европскиот шампионат.

Следете нè на:

 

1173666 711773685519945 1973377287 nПоследна подготовка пред стартот на Источно Европскиот шампионат во мотокрос на 23 март

Во конкуренција од 20 натпреварувачи, на патеката Каротица во Грција (пред Солун) нашите натпреварувачи имаа задоволителна подготовка пред почетокот на Источно Европскиот шампионат.

Нашите најдобри натпреварувачи, Гоце Томовски и Христијан Илиоски настапија на две трки во класата MX Expert (споена трка на MX1 и MX2 класите), додека пак младиот Адријан Ристевски настапи во класата МХ85.

За жал искусниот Борче Костов не настапи во класата МХ3 бидејќи организаторот на трката се одлучи оваа класа да ја направи од затворен карактер па на странските натпреварувачи не им беше дозволено учество. Иако до сега беше пракса и класата МХ3 да биде отворена за сите натпреварувачи, годинава организаторот се одлучи за ваков потег кој наиде на негативна реакција кај гостите бидејќи еден ден претходно им беше потврдено дека сите ќе имаат право на настап.

Конкуренцијата на песочната патека беше голема, гостите од Бугарија, Црна Гора, Хрватска и Македонија се обидоа да им парираат на домаќините. Нашиот Адријан Ристески имаше најолем успех, во класата МХ85 во конкуренција од 12 возачи имаше одличен настап на двете трки, притоа освојувајќи го 3-то место на првата трка и 4-то место на втората.

Во класата MX Expert возеа вкупно 20 натпреварувачи од кои Гоце Томовски првата трка ја заврши на 11-та позиција, а втората на 8-та. Христијан Илиоски иако имаше проблем со задниот амортизер, првата трка ја заврши на 4-та позиција, а втората на 7-та. Важно е да се напомене дека за нашите натпреварувачи ова е прва трка и посериозен тренинг во годината, а имајќи во предвид дека немаа заостанување поголемот од 1 секунда зад првиот можеме да кажеме дека успешно ги поминаа подготовките пред почетокот на Источно Европскиот шампионат.

Шампионатот започнува на 23-ти март, со првата трка која ќе се вози на патеката Серес во Грција, од вкупно 12 трки колку што се предвидени во календарот. Најголеми очекувања во овој шампионат имаме од Христијан Илиоски и Гоце Томовски, кај младите погледите се насочени кон Андријан и Лука Ристевски, како и Христијан Станкович, а во МХ3 со нетрпение го очекуваме настапот на Борче Костов.

На првата трка од Македонија има пријавено 12 натпреварувачи, а тимот на мотори.ком.мк ќе присуствува на патеката во Серес од каде ќе објавиме извештај и галерија со слики веднаш по трките.

 

comments

Би можело да ве интересира

Со цел да се подигне мото културата, да се насочи енергијата на младите возачи на вистинското место, а можеби и да се пронајде некој нов Роси од нашите простори во план е организација на слободен тренинг на патеката Серез во Грција.

Тимот на „Aruba.it Racing - Ducati“ и Марко Меландри со заедничко соопштение денеска објавија дека ја продолжуваат соработката и во 2018 година во Motul Superbike шампионатот.

Марк Маркез призна дека воопшто не размислувал за борбата за титулата откако во последниот круг се обиде да го претекне Андреа Довициозо. Вели, ако не се обидев, немаше да можам да заспијам.

Возачот на Ducati, Андреа Довициозо, ја оствари својата трета победа оваа сезона откако на трката која се возеше во Австрија успеа да го победи Марк Маркез.

Aprilia нема да ги задржи услугите на Сем Ловс во сезоната 2018 и наместо него тимот се одлучи да го ангажира Скот Рединг.

Како и што се очекуваше, стигна официјална потврда дека Џек Милер ќе ја напушти Honda и од 2018 година ќе настапува за Pramac Ducati.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!