MK мотоциклисти на меѓународни трки

Промени во правилникот за ИЕ шампионат во брзински мотоциклизам

На последниот состанок на Балканската Мото Унија (БМУ) на која присуствуваа тројца претставници на МФМ беа презентирани промените во правилникот за Источно Европскиот шампионат во брзински мотоциклизам.

Следете нè на:

 

306535 4129725092156 883844115 nСугарев (#33) ќе има прилика да ги продолжи трките во класата до 125цм3

На последниот состанок на Балканската Мото Унија (БМУ) на која присуствуваа тројца претставници на МФМ беа презентирани промените во правилникот за Источно Европскиот шампионат во брзински мотоциклизам.

Според новите правила во класата до 125цм3 (SP Junior) од сега ќе може да се натпреваруваат возачи до 21 година, за разлика од сегашниот правилник според кој настап во оваа класа имаа возачи со возраст до 18 години. Заради оваа причина нашиот успешен тркач Марин Сугарев од Велес беше приморан да ја стави кариерата на пауза.

Објаснувањето од БМУ е дека возачите со навршени 18 години се премногу млади и неискусни за да ги заменат мотоциклите од 125цм3 со оние од 600цм3. Тука се и трошоците кои возачите и тимовите ги прават за релативно краток период, а со новиот правилник секој возач ќе ја продолжи кариерата додека да наполни 21 година. Се надеваме дека Сугарев ќе има можност повторно да ги покаже своите квалитети и со тоа да и донесе на Македонија нови бодови од Источно Европското првенство.

Втората промена во правилникот се однесува на досегашната обврска за промена на класата од SBKS во SuperStock за првите тројца во шампионатот. Досегашниот правилник ги обврзуваше првите тројца во класата сериски супербајк SBKS да преминат во посилната класа SuperStock 1000, а од сега возачите самите ќе одлучуваат дали ќе сакаат да преминат во посилната класа.

Ова е направено со цел да се намалат трошоците за трките, но истовремено и за да се избегне ситуација во која шампионот во една класа би престанал со трки само затоа што нема доволно средства да го подготви својот мотор за посилната класа во која е обврзан да вози.

Новите правила се во интерес на возачите, и се надеваме дека БМУ во иднина ќе продолжи да ги брани интересите на оние за кои постои, тркачите.

 

Би можело да ве интересира

„Можеме да се бориме за победа, но Хорхе и Марк исто така се добри на оваа патека. Затоа сметам дека воопшто нема да биде лесно“ - Андреа Довициозо.

Пред вас е Suzuki GSX-R1000 – Ryuyo, супербајк кој има 209 коњски сили и тежина од 167 килограми. За жал, од овој модел ќе бидат произведени само 20 примероци кои ќе имаат цена од 29.990 евра.

Марк Маркез призна дека добро се справува со периодот во кој нема постигнато ниту една победа во премиерната класа.

Можеби тоа е само земја на слободи во однос на полуавтоматските оружја. Но се чини дека во иднина жителите на Америка нема да имаат избор во однос на тоа каков мотоцикл ќе можат да купат.

Валентино Роси вели дека се разгледува идејата за радикална промена кај Yamaha со цел да се решат проблемите со кои се соочува тимот.

Moto Guzzi ја претстави новата спортска верзија на нивниот Moto Guzzi V9 Bobber кој сега ќе има поголеми тркала, единечно седиште и црн издув.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!