22
Пон, Мај
MK мотоциклисти на меѓународни трки

Проблеми со моторот и само четврто место за Кико во Бугарија

Викендов на патеката Тројан во Бугарија се возеше осмата рунда од Источно Европскиот шампионат во мотокрос на кој Македонија имаше двајца претставници - Христијан Илиоски и Борче Костов.

Следете нè на:

 

Викендов на патеката Тројан во Бугарија се возеше осмата рунда од Источно Европскиот шампионат во мотокрос на кој Македонија имаше двајца претставници - Христијан Илиоски и Борче Костов.

kiko-borceХристијан Илиоски и Борче Костов успешно ја претставија Македонија на трката во Бугарија

Осмата рунда од Источно Европскиот шампионат во мотокрос која се возеше на патеката Тројан во Бугарија помина релативно успешно за нашите претставници. 

Во најсилната класа МХ1 Христијан Илиоски имаше проблеми со моторот, поточно проблеми со бандажот заради кој на крајот на двете трки забележа само четврто место иако на квалификациите и на тренинзите имаше најдобар резултат. Возењето на Кико како и до сега не беше проблем за неговиот успех туку немањето финансиски средства кои ќе можат да го следат неговиот талент. Доколку Кико имаше средства по првата трка да ја санира штетата на моторот ќе се вратеше со уште еден пехар од Источно Европскиот шампионат. На страна од тоа, ќе се доближеше повеќе до неговиот ривал Романецот Адријан Радута во генералниот пласман што ќе значеше и можност за борба за првата позиција.

Во ситуација во која Илиоски сам се финансира и резултатите се базираат само на неговиот неспорен талент и квалитет како возач, можеме да кажеме дека двете четврти места во Тројан се одличен резултат. Илиоски останува на втората позиција во генералниот пласман, а до крајот на шампионатот остануваат само уште три рунди (шест трки).

Нашиот втор претставник во класата МХ 3 и МХ Ветерани Борче Костов забележа две 11-ти места, кои му донесоа нови 20 бодови на неговото конто, па така во генералниот пласман со вкупно 216 бодови е недостижен за четвртиопласираниот во шампионатот. Преостанатите трки за Костов ќе служат за негов тренинг, а благодарение на успехот кој го забележа во досегашниот тек од шампионатот за Македонија веќе е обезбеден пехарот во оваа класа.

Следната трка се вози на патеката во Прилеп овој викенд, настапот на Костов е сигурен но она што е неизвесно е дали нашиот најдобар кросист ќе се појави на патеката. Илиоски треба да направи сервис на моторот и да набави нов бандаж, па останува да се надеваме дека нашите постојани пишувања за овој проблем ќе наидат на слух кај некој кој ќе помогне во моменти кога е нај тешко. 

 

comments

Би можело да ве интересира

Се чини дека Zero и Electrica добиваат сериозен конкурент откако Lightning Motocycles објавија дека ќе се вклучат во производството на електрични мотоцикли. Од компанијата објавија дека планираат да го тестираат прототипот кој ќе може со едно полнење да стигне од Лос Анџелес до Сан Франциско.

Dorna Sports оваа година тркањето го донесе во дневните соби откако го претстави возбудливиот MotoGP eSport шампионат. Можете да се вклучите и вие, а во случај да постигнете најдобар резултат, тогаш ќе добиете BMW M240i. За жал, нема да добиете мотоцикл.

Оф роуд мотоциклите ќе бидат забранети во некои делови од Дубаи со цел да се намали асоцијалното однесување.

Фабричкиот тим на Red Bull KTM, само што објави дека нивниот професионален возач, Рајан Данџи, одлучил да се повлече од натпреварувањето. Објавата следува кратко откако тој ја освои својата трета последователна титула во AMA 540SX шампионатот, притоа возејќи со фабричката верзија на 450 SX-F.

Возењето на Супермото е можеби едно од најинтересните работи што можете да ги направите на две тркала. Мотоцикли за нерамен терен опремени со улични гуми, супермото нуди одлична услови за возење низ град како и можност за вежбање на вашата техника на некоја пониска платформа.

Конечно пристигнаа! КТМ ги претстави првите двотактни мотоцикли со директно вбризгување на горивото кои имаат EXC TPI (Transfer Port Injection)

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!