MK мотоциклисти на меѓународни трки

Победа за Бузалковски и второ место за Ивчески во Бугарија!

Одличен успех на нашите возачи во Бугарија, победа за Бузалковски и второ место за Ивчески!

Следете нè на:

 

87 возачи од Бугарија, Грција, Србија, Романија и Македонија викендов на патеката Плевен во Бугарија учествуваа на 10-та трка од БМУ Европскиот шампионат во брзински мотоциклизам.

pleven 2017 2 31Победа за Бузалковски во Плевен

Трката беше посветена на петкратниот шампион на Бугарија во Супермото, Сергеј Сергиев - Сижо, кој по сообраќајна незгода пред 22 години остана во инвалидска количка. Тој беше присутен на патеката со специјално адаптиран мотоцикл со кој сврте почесен круг и беше бурно поздравен од возачите во Долна Митрополија.

Во класата SP125 Христијан Бузалковски (МК Ендуро тим - Водно Скопје) дојде до долго очекуваната победа. Тој возеше одлично и во конкуренција на 10 мотоцикли прокнижи 25 бодови на неговото конто кои не само што му ја зацврстија третата позиција во генералниот пласман туку и го донесоа чекор поблиску до втората позиција. Милен Георгиев од Бугарија имаше проблеми со мотоциклот па остана со помалку бодови од Плевен, со што нашиот возач му се доближи на разлика од 13 бода во генералниот пласман.

Во генералниот пласман Жулиета Ленкова е водечка со 213 поени, пред Милен Георгиев со 199 и Христијан Бузалковски со 186.

pleven 2017 2 75Второ место за Ивчески во Плевен

Во класата F1000 Македонија имаше двајца претставници. Слободан Ивчески - Цобо (МК Сакамото) и Игор Спиров - Зизи (МК Ендуро тим - Водно Скопје). Нашите возачи стартуваа од првата и втората позиција по саботните квалификации и беа на добар пат да го повторат успехот и да ги видиме двајцата на подиумот. Ивчески и Спиров возеа одлично и покрај тоа што Михаил Атанасов (Бугарија) имаше фантастичен старт и се катапултираше од четвртата на првата позиција пред првиот свиок во Плевен. До крајот на трката Ивчески и Атанасов на два пати се поминуваа, а на крајот Бугарскиот возач беше поуспешен и заслужено дојде до победата. Ивчески пак со втората позиција прокнижи 20 бодови и во генералниот пласман ја превзема водечката позиција. Нашиот возач е на одличен пат да дојде до титулата БМУ Европски шампион во брзински мотоциклизам за 2017 година.

Pleven2b 23Игор Спиров - Зизи не ја заврши трката во Бугарија

Игор Спиров заради проблеми со моторот не ја заврши трката во Бугарија. Тој имаше добар старт и до третиот круг возеше во групата од четири мотоцикли кои ја предводеа трката, но за жал ламелите на неговиот мотоцикл не издржаа и тој мораше да се откаже. Тој прокнижа само 5 бодови на оваа трка но тие беа доволни за тој да се израмни во генералниот пласман со Кристиан Гута (Романија).

Во оваа класа во генералниот пласман водечки е нашиот Слободан Ивчески - Цобо со 135 поени, пред Петар Дианов (Бугарија) со 120 и Игор Спиров - Зизи со 93

Последните две трки од шампионатот се возат на патеката Серез во Грција на 28 и 29-ти октомври.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!