MK мотоциклисти на меѓународни трки

Победа и второ место за Бузалковски во Грција

Викендов се возеа првите две трки од БМУ Европскиот шампионат во брзински мотоциклизам на кои учествуваа двајца македонски натпреварувачи.

Следете нè на:

 

Првата рунда од БМУ Европскиот шампионат во брзински мотоциклизам се оддржа викендов на патеката Серез во Грција.

На трките Македонија ја претставуваа Христијан Бузалковски (МК Ендуро Тим - Водно Скопје) и Слободан Ивчески (МК Сакамото).

Христијан Бузалковски

Христијан Бузалковски оваа сезона ќе настапува во две класи, SP125 во која е вице-шампион и F600 во која за прв пат ќе ги одмери силите. Пред почетокот на викендот се очекуваше многу од него во новата класа имајќи ги во предвид резултатите кои ги забележа во подготвителниот период. Тој тоа го потврди и на тренинзите, а потоа и на квалификациите каде имаше фантастично четврто време во конкуренција на 22 возачи. За жал на првата трка неговиот мотоцикл се расипа па тој беше приморан да влезе во боксот. И покрај обидите на механичарите и помошта од останатите тимови Бузалковски не успеа да го оспособи мотоциклот и првиот викенд во класата F600 за жал го заврши без пласман.

Во класата SP125 тој продолжи онаму каде што застана минатата сезона, на самиот врв. На првата трка стартуваше одлично и направи предност од една секунда, но по удар во асвалтот шалтерот за менување му се искриви па мораше да менува брзини со рака. На крајот на првата трка сепак и покрај проблемите со мотоциклот тој заврши на втората позиција. На денешната трка тој возеше одлично, без никакви проблеми и заслужено ја забележа првата победа во сезоната.

Слободан Ивчески

Актуелниот шампион во класата F1000, Слободан Ивчески, имаше тежок настап на првата трка. Конкуренцијата од 29 возачи го направи своето па Ивчески на квалификациите успеа да дојде само до 10-та позиција. Тој стартуваше добро но едноставно не беше негов ден па на крајот мораше да се задоволи со седмата позиција. За разлика од вчера, на денешната втора трка го видовме Ивчески во вистинско светло. Тој напредуваше одлично и на крајот за само три десетинки го пропушти подиумот. Борбата со турскиот натпреварувач Бурак Албајрак траеше до самиот крај, а фото финишот за жал му припадна на Турчинот.

Следните трки се возат на 12 и 13 мај во Аданката, Романија.

Би можело да ве интересира

Нашиот возач Христијан Бузалковски беше повикан од страна на српски тим и понудата секако беше прифатена. Воедно,трката се вози 4 часа, а овој пат ќе имаме директен пренос на каналот Спорт Клуб 3! Во продолжение ја пренесуваме и изјавата на Бузо за мотори.ком.мк

Мото клубот Конзули од Битола својот 8-ми мото собир ќе го организира на 11-ти август со почеток од 17 часот во ноќниот клуб Парадизо во Битола.

Автономното сопирање не е некоја новост во транспортната индустрија. Веќе неколку години автомобилите се опремени со вакви системи. Но во однос на безбедносната технологија, мотоциклите малку заостануваат.

Piaggio објави нова верзија на MP3 со значителни подобрувања на моделот 500 како и целосно нов модел 350.

Само што слушнавме една информација од Harley-Davidson која веруваме дека ќе сакате да ја знаете. Веќе подолг период има гласини дека компанијата со седиште во Милвоки планира да објави нешто поврзано со нејзината иднина.

На новиот модел алгоритмите на KTM, со помош на компјутер ги корегираат грешките на возачот. Само притиснете на сопирачките и мотоциклот ќе застане. Но што доколку возачот го фати паника и премногу силно притисне на предната сопирачка кога е веќе внатре во свиокот? Мотоциклот ќе се исправи и ќе застане.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!