MK мотоциклисти на меѓународни трки

Петто место за Зизи во Плевен

Нашиот единствен претставник во класата SBKS600 на трката од Источно-Европскиот шампионат во брзински мотоциклизам која викендов се возеше во Плевен, Бугарија, го забележа петтото место.

Следете нè на:

 

1397465 10152467103995330 1426458553571621787 oСпиров со петта позиција на трката во Плевен

Нашиот единствен претставник во класата SBKS600 на трката од Источно-Европскиот шампионат во брзински мотоциклизам која викендов се возеше во Плевен, Бугарија, го забележа петтото место.

На патеката Плевен во Бугарија викендов се возеше втората рунда од Источно-Европскиот шампионат во брзински мотоциклизам. Игор Спиров - Зизи (МК Гого) беше единствен претставник од Македонија на трката, а притоа го постигна истиот резултат како и во првата рунда.

Петтата позиција од 16 натпреварувачи е одличен резултат, но она што е поважно е дека Спиров ја подобрува својата форма, па така на оваа трка беше во борба и за третата позиција. Всушност првите пет натпреварувачи финишираа во временска разлика од 2 секунди, а третиот, четвртиот и нашиот Зизи возеа од почетокот до крајот еден зад друг.

По две рунди во шампионатот Игор Спиров се наоѓа на четвртата позиција во генералниот пласман. Се надеваме дека со подобар успех на следната трка Спиров ќе дојде до нови бодови кои ќе му помогнат да се искачи на третата позиција во Источно-Европскиот шампионат.

10342809 643179869097629 7721112474756702540 nТрето место за Македонија во екипна конкуренција / Фото: Lap.bg

Во екипна конкуренција заради успехот на Спиров кој беше подобар од учесниците од останатите земји кои имаа по еден претставник, нашите претставници го земаа пехарот за трето место.

За разлика од првата трка во сезоната, овојпат временските услови беа далеку подобри, сепак наместо да видиме повеќе претставнци од Македонија, овојпат во Бугарија го проследивме само настапот на Спиров.

10380479 10152467104575330 54580333674059727 oСпиров е задоволен од формата, но се надева на подобар резултат на третата трка во шампионатот

Третата трка во шампионатот се вози на 27 јули на патеката Плевен во Бугарија, а до крајот на сезоната предвидени се уште две трки, на 21.09.2014 во Србија на патека која дополнително треба да се утврди и 02.11.2014 во Серес, Грција.

 

Би можело да ве интересира

Гран При трката која овој викенд ќе се оддржи во Остин би можела повторно во преден план да ги исфрли организаторите.

Постојат десетина фактори кои влијаат врз секоја индустрија и пазарот со мотоцикли воопшто не е различен. 

Прво, да му честитаме на Рускиот возач за доминацијата. Во десет дена колку што траеше настанот, на шест трки освои максимален број на поени, а исто така победи и на девет финалиња.

Во фабриката во Сан Марино ќе бидат креирани само 12 примероци од овој мотоцикл кој развива 230кс и кој тежи 154 килограми. Официјалното претставување ќе биде за време на мото шоуто во Монако кое ќе се оддржи оваа недела.

Чез Дејвис успеа да стигне до победа на втората трка која се возеше во Арагон и со тоа се искачи на второто место во шампионатот.

И покрај барањата од ривалите да се зголеми казната на Маркез после сударот кој го имаше со Роси, Пуиг се надева дека ќе има поинаква одлука, сега откако се смири ситуацијата.

Бидете информирани за сите новости директно на вашата е-маил адреса
Реклами

Ви благодариме

Close

За тоа што споделувате содржини и го поддржувате нашиот веб сајт, Ви благодариме!